မင်္ဂလာပါနော်။ နွေရာသီဆိုတော့ ရာသီဥတု ပူအိုက်လို့ အဆီပြန်ပြီး အရေပြား ယားကျိကျိဖြစ်နေလား။ ဒါဆိုရင်တော့ သင့်အသားအရေအတွက် နွေရာသီမှာ ဘယ်လိုဂရုစိုက်ရမလဲဆိုတာ မျှဝေပေးချင်ပါတယ်နော်။
SPF ပါတဲ့ နေလောင်ကာခရင်မ်လိမ်းပေးပါ
သင့်အသားအရေကို နေရောင်ခြည်ကနေ ကာကွယ်ဖို့နဲ့ နေလောင်ဒဏ်ကနေ ကာကွယ်ဖို့အတွက် SPF ပါတဲ့ နေလောင်ကာခရင်မ်ကို လိမ်းပေးသင့်ပါတယ်။ အပြင်သွားသွားမသွားသွား Body Lotion လိမ်းပေးပါ။
ကော်ဖီနဲ့ အသားအရေကို Scrub လုပ်ပါ
သင့်အသားအရေကို ယားယံခြင်းတွေ ဆဲလ်သေတွေကို ဖယ်ရှားပေးဖို့အတွက် သကြားနဲ့ ကော်ဖီမှုန့်အကြမ်းကို ရောလိုက်ပါ။ ပြီးရင် အုန်းဆီနည်းနည်းရောပြီး သင့်ရဲ့ မျက်နှာနဲ့ခန္ဓာကိုယ်တစ်ခုလုံးကို သေချာလေး ပွတ်လိမ်းပေးလိုက်ပါ။ ရေမချိုးခင်လုပ်ပေးတာ ပိုကောင်းပါတယ်။ ပြီးရင်ရေချိုးပေးပြီး Body Lotion လိမ်းပေးလိုက်ပါ။
မျက်နှာသေချာသစ်ပေးပါ
အပြင်ကပြန်လာရင်ဖြစ်ဖြစ် မနက်ခင်းနဲ့ ညအိပ်ယာမဝင်ခင်မှာ မျက်နှာသေချာသစ်ပေးပါ။ မိတ်ကပ်တွေကိုလည်း တိုနာ (သို့) မိတ်ကပ်ဖျက်တာနဲ့သေချာ ဖျက်ပေးလိုက်ပါ။ ပြီးတော့ မျက်နှာကို မျက်နှာသစ်ဆပ်ပြာနဲ့ သေချာသစ်ပေးလိုက်ပါ။
ရေအေးအေးနဲ့ရေချိုးပါ
မနက်စောစော ရေအေးအေးနဲ့ ရေချိုးပေးပါ။ ညနေဖက်မှာလည်း အပြင်ကပြန်လာပြီး ခဏနားကာ ရေချိုးပေးပါ။ ပြီးရင် Lotion လိမ်းပေးပါ။
နှုတ်ခမ်းကိုလည်းဂရုစိုက်ပါ
ဆောင်းရာသီမှာမှ နှုတ်ခမ်းခြောက်ပြီးကွဲတာမဟုတ်ပါဘူး။ နွေရာသီမှာလည်း ရေဓာတ်ခမ်းခြောက်ပြီး နှုတ်ခမ်းသားခြောက်တာမျိုးဖြစ်တတ်ပါတယ်။ ဒါ့အပြင် လေတိုက်တာကြောင့်၊ အပူချိန်ကြောင့်လည်း နှုတ်ခမ်းသားကို ခြောက်သွေ့စေပါတယ်။ ဒါ့ကြောင့် နှုတ်ခမ်းသားကို စိုပြေစေဖို့ နှုတ်ခမ်းအဆီဆိုးတာ၊ နှုတ်ခမ်းကို သကြားနဲ့ အုန်းဆီရောပြီးသေချာပွတ်ပေးတာမျိုးလုပ်နိုင်ပါတယ်။
အကာအကွယ်တွေဝတ်ပါ
အပြင်ထွက်တဲ့အခါ အင်္ကျီလက်ရှည်၊ ဦးထုပ်ကားကားတွေ၊ ထီးတွေ စတဲ့အကာအကွယ်ယူပါ။ ဒါ့အပြင် နေကာမျက်မှန်လည်း တပ်ပေးပါ။ မျက်လုံးက အရေးအကြောင်းတွေကိုလည်း သက်သာစေပါတယ်။
