ချစ်စရာကောင်းတဲ့ Summer Makeup Look ပြင်နည်း

နွေရာသီကလည်း ရောက်လာပြီဆိုတော့ အလှကြိုက်တဲ့ မိန်းကလေးတိုင်းအတွက် နွေရာသီနဲ့လိုက်ဖက်ပြီး ချစ်စရာကောင်းတဲ့ Summer Makeup Look ပြင်နည်းကို မျှဝေပေးလိုက်ပါတယ်။

အရင်ဆုံး Foundation ကို လိမ်းပါမယ်။ ပြီးရင်တော့ လိမ်းထားတာ သိပ်သိပ်ညက်ညက်လေး ဖြစ်သွားအောင် Powder ပုတ်ပါမယ်။

Eyeshadow Palette အညိုရောင်အဖျော့လေးနဲ့ နှာတံဖော်ပါမယ်။

မျက်ခုံးမွှေးကိုတော့ ကိုယ့်ဆံပင်အရောင်နဲ့ လိုက်ဖက်နေမယ့် အရောင်မျိုးနဲ့ ဆွဲပါမယ်။

Eyeshadow အညိုရောင် နည်းနည်းဖျော့တာကို မျက်ခွံနဲ့ မျက်လုံးအောက်နားကို ခြယ်ပါမယ်။

ပန်းရောင် Glitter Eyeshadow ကို မျက်ခွံမှာ ထပ်ခြယ်ပါမယ်။ မျက်လုံးအောက်နားကိုတော့ အနောက်ဘက်နားလေးမှာပဲ ခြယ်ပေးပါ။

Mascara နဲ့ မျက်တောင်ကော့ပါမယ်။ နွေရာသီနဲ့လိုက်ဖက်အောင် Mascara ကို အနက်ရောင်မသုံးပဲ အညိုရောင်လေးသုံးထားပါတယ်။ အပေါ်မျက်တောင်ရော အောက်မျက်တောင်ရော ကော့ပေးပါ။