နွေရာသီရောက်လာပြီဆို ရာသီဥတုက အရမ်းပူတော့ ဆံပင်ရှည်တဲ့သူတွေအတွက် ဆံပင်ဖားလျားချဖို့က မလွယ်ပါဘူး။ အရမ်းပူပြီး စိတ်ရှုပ်ရပါတယ်။ ဆံပင်ကို အပူဒဏ်သက်သာအောင် ပြင်ဆင်မယ်ဆိုရင်တော့ လှလည်းလှသလို အပူလည်းသက်သာမှာပါ။ ဒါကြောင့် ဆံပင်ကို အမျိုးမျိုး ပြင်ဆင်ရတာ ကြိုက်တဲ့သူတွေအတွက် Summer Hairstyle တွေကို ဖော်ပြပေးလိုက်ပါတယ်။
ဆံပင်ကို ကလစ်လေးနဲ့ ဒီလိုလှန်တင်တာမျိုးကတော့ ခေတ်စားနေတဲ့ Hairstyle လေးလည်းဖြစ်ပြီးတော့ အပူဒဏ်လည်း သက်သာစေလို့ နွေရာသီအတွက် အသင့်တော်ဆုံးပါပဲ။
ဆံပင်ကို ဖဲကြိုးလေးနဲ့ ဒီလိုကျစ်ဆံမြီးကျစ်တာမျိုးကတော့ ဆန်းသစ်ပြီးတော့ လှပတဲ့ Hairstyle လေးပါ။
ဒီ Hairstyle လေးဆိုရင် လူငယ်လူကြီး အားလုံးပြင်ဆင်လို့ရပါတယ်။
ကျစ်ဆံမြီးကျစ်ရတာ ကြိုက်တဲ့သူဆိုရင် ဒီလိုလေးကျစ်ကြည့်ပါ။ အရမ်းလှပါတယ်။
ထသွားထလာအတွက်လည်း အဆင်ပြေသလို ပွဲတက်အတွက်လည်း အဆင်ပြေတဲ့ Hairstyle လေးပါ။ နွေရာသီအတွက်တော့ အကောင်းဆုံးပါပဲ။
ဒီ Hairstyle လေးကတော့ လူလတ်ပိုင်းနဲ့ လူကြီးပိုင်းတွေ သဘောကျကြတဲ့ Hairstyle လေးပါ။
ကလေးဆန်ပြီး ချစ်ဖို့ကောင်းနေစေမယ့် Hairstyle လေးဖြစ်သလို နွေရာသီမှာ အပူဒဏ်လည်း အရမ်းသက်သာစေပါတယ်။
ခုနက Hairstyle လေးက အရမ်းကလေးဆန်တယ်လို့ ခံစားရရင် ဒီလိုလေးပြင်ကြည့်ပါ။ ချစ်ဖို့ကောင်းပါတယ်။
ဆံပင်နှစ်ဖက်ခွဲပြီး ကျစ်ဆံမြီးကျစ်တာမျိုးလေးကတော့ ရိုးရိုးရှင်းရှင်းလေးနဲ့ ချစ်ဖို့ကောင်းပြီး အပူဒဏ်လည်း သက်သာစေတဲ့ Hairstyle လေးပါပဲ။
ဆံပင်ရှည်ရှည်လေးတွေဆိုရင် ကျစ်ဆံမြီးကို ဒီလိုတစ်ဖက်ချပြီး ကျစ်ကြည့်ပါ။ ကပိုကယိုလေးနဲ့ ချစ်ဖို့ကောင်းပါတယ်။
ဆံပင်ကို ဒီလိုအမြင့်လေးထုံးတာမျိုးက ရှင်းရှင်းလေးနဲ့ အပူဒဏ်လည်း သက်သာစေတဲ့ Hairstyle လေးပါ။
Photo source:www.pinterest.com
