မင်္ဂလာပါနော်။ ပါးချိုင့်ကလေးနဲ့ အရမ်းကိုချစ်စရာကောင်းတဲ့ မင်းသမီးချောလေး Oh Yeon Seoကို အားလုံး ရင်းနှီးပြီးသားဖြစ်မှာပါနော်။ LUV လို့ခေါ်တဲ့ တောင်ကိုးရီးယား အမျိုးသမီးတေးသံရှင်အဖွဲ့ရဲ့ အဖွဲ့ဝင်ဟောင်းတစ်ဦးလည်းဖြစ်ပါတယ်။

သူမကို ပထမဆုံး ပရိသတ်တွေသတိထားမိတဲ့ ဇာတ်ကားကတော့ My Husband Got a Family, Jang No-ri is Heare!, Shine or Go Crazy နဲ့ Please Come Back Mister ဆိုတဲ့ ဇာတ်လမ်းတွဲတွေနဲ့ဖြစ်ပါတယ်။ ၂၀၁၇ ခုနှစ်က ထွက်ရှိခဲ့တဲ့ My Sassy Girl ဇာတ်လမ်းတွဲကလည်း အရမ်းကို အောင်မြင်ခဲ့ပါတယ်နော်။

အခုလို ချစ်စရာလည်းကောင်းသလို သရုပ်ဆောင်ပိုင်းလည်း ထူးချွန်တဲ့ မင်းသမီးချော Oh Yeon Seo ကို ၁၉၈၇ ခုနှစ် ဇွန်လ ၂၂ ရက်နေ့က တောင်ကိုးရီးယားနိုင်ငံ ဂျင်ဂျူမြို့မှာ မွေးဖွားခဲ့တာဖြစ်ပါတယ်။ သူမရဲ့ အရပ်အမြင့်ကတော့ ၁.၇ မီတာ (၅ ပေ ရ လက်မနီးပါး) ရှိပြီး အရပ်မြင့်မြင့်နဲ့ စတိုင်လ်ကျတဲ့ မင်းသမီးတစ်ဦးလည်းဖြစ်ပါတယ်။ သွေးအမျိုးအစားကတော့ Oသွေးပိုင်ရှင်လေးပဲ့ ဖြစ်ပါတယ်။

ပါးချိုင့်လေးနဲ့ ချစ်ဖို့ကောင်းသလို ဖက်ရှင်ကျကျ ဝတ်စားဆင်ယင်တတ်တဲ့သူတစ်ဦးလည်းဖြစ်ပါတယ်။ သူမကိုတွေ့လိုက်တိုင်း အမြဲတမ်းကြော့ရှင်းလှပနေပြီး ဖက်ရှင်ကျနေတာမို့ သူမရဲ့ဖက်ရှင်တွေကိုလည်း အားလုံးစိတ်ဝင်စားကြမယ်ထင်ပါတယ်နော်။ ကဲ…ဒီတော့ Oh Yeon Seo ကိုချစ်ကြတဲ့သူတွေအတွက် သူမရဲ့အမိုက်စားဖက်ရှင်တွေထဲကမှ ရိုးရှင်းပြီး ပေါ့ပေါ့ပါးပါးလေးနဲ့ ချစ်ဖို့ကောင်းတဲ့ ဖက်ရှင်လေးတွေကို မျှဝေပေးလိုက်ပါတယ်နော်။

Photo Source: Pinterest