လူတိုင်းမှာ ချစ်စရာကောင်းတဲ့ အမူအကျင့်တွေရှိတတ်ကြပါတယ်။ သင်ချစ်တဲ့ K-Pop Idol တွေမှာရှိတဲ့ ချစ်စရာကောင်းတဲ့အမူအကျင့်တွေကိုရော သင်သတိထားမိပါသလား။ ဒီတခါမှာတော့ Idol ၅ ဦးရဲ့ ချစ်စရာကောင်းတဲ့အမူအကျင့်တွေကို မျှဝေပေးချင်ပါတယ်။
၁။ EXO အဖွဲ့ထဲက Baekhyun
Baekhyun ရဲ့ အကျင့်ကတော့ တစ်ယောက်ယောက်ကို ကြည့်တဲ့အချိန် သို့မဟုတ် စကားပြောဖို့ စောင့်နေတဲ့အချိန်တွေဆိုရင် လက်ချောင်းလေးတွေကို ကိုက်တတ်ပါတယ်။
၂။ EXO အဖွဲ့ထဲက D.O.
D.O. ကကျတော့ ရယ်တဲ့အချိန်တွေဆို နှာခေါင်းကို ကိုင်လိုက်တတ်တဲ့အကျင့်ရှိသူပါ။ ဒီလောက်ချစ်ဖို့ကောင်းတဲ့ ရယ်ပုံလေးကို ကာသွားမိတတ်လို့ ပရိတ်သတ်တွေက ရှောင်ခိုင်းကြပါတယ်။
၃။ Twice အဖွဲ့ထဲက Dahyun
အင်မတန်ပျော်ပျော်နေတတ်တဲ့ Dahyun လေး တစ်ယောက် ရှက်ပြီဆိုရင် သူ့ဆံပင်တွေနဲ့ မျက်နှာကို ကာတတ်တဲ့အကျင့်ရှိပါတယ်။
၄။ Kang Daniel
Kang Daniel ရဲ့ အကျင့်ကတော့ အစားအသောက်မဟုတ်တဲ့ အသုံးအဆောင်ပစ္စည်းတွေကိုလည်း အနံ့ခံတတ်တဲ့ အကျင့်ဖြစ်ပါတယ်။
၅။ EXO အဖွဲ့ထဲက Sehun
EXO ရဲ့ အငယ်ဆုံးလေး Sehun ကတော့ သူ့နှုတ်ခမ်းကို အတင်းစေ့တတ်တဲ့ ချစ်စရာကောင်းတဲ့အကျင့်ရှိသူလေးပါ။
တခြား Idol တွေမှာလည်း မတူညီတဲ့ ချစ်စရာကောင်းတဲ့အကျင့်လေးတွေရှိကြပါတယ်နော်။ လက်လှမ်းမီသလောက်လေး စုစည်းတင်ပြလိုက်တာပါရှင်။ အားလုံး သဘောကျနှစ်သက်ကြမယ်လို့ မျှော်လင့်ပါတယ်နော်။