အားလုံးပဲ မင်္ဂလာပါ။ စိတ်ရဲ့ ပြတင်းပေါက်လို့ တင်စားလေ့ရှိတဲ့ မျက်လုံးလေးကို မျက်လုံးမိတ်ကပ်သေချာလိမ်းခြယ်ပေးမယ်ဆိုရင် လှပတဲ့ မျက်ဝန်းတစ်စုံကို ပိုင်ဆိုင်နိုင်မှာပါ။
ဒါ့ကြောင့် အိုင်းရှဲဒိုးနဲ့ လိုင်နာတွေကို သပ်သပ်ရပ်ရပ်နဲ့ လှလှပပလေး ခြယ်သနိုင်ဖို့အတွက် အဆင့်ဆင့် ပြုလုပ်ရမယ့် နည်းလမ်းလေးတွေကို ဝေမျှပေးလိုက်ပါတယ်။
အဆင့် ၁
မျက်လုံး Primer လေး အရင်လိမ်းပေးရပါမယ်။ လိမ်းထားတဲ့ Primer လေး ခြောက်သွားပြီဆိုရင် ကွန်စီလာ၊ ဒါမှမဟုတ် ဖောင်ဒေးရှင်းလေး ထပ်လိမ်းပေးပါ။
အဆင့် ၂
မျက်လုံးမိတ်ကပ်လိမ်းခြယ်တာ မကျွမ်းကျင်သေးတဲ့ ပျိုမေလေးတွေ၊ အခုမှ စလိမ်းမယ့် ပျိုမေလေးတွေအတွက် မရှိမဖြစ်အရောင်၊ အခြေခံအကျဆုံး အရောင်လေးမျိုးကိုတော့ ပိုင်ဆိုင်ထားသင့်ပါတယ်။
အဆင့် ၃
လိမ်းခြယ်ရမယ့် ရှဲဒိုးအရောင်လေးမျိုးရှိပြီဆိုရင် မျက်လုံးမိတ်ကပ်အတွက် ဒီ ဘရက်ရှ် ၂ မျိုးကလည်း မရှိမဖြစ်ပါပဲ။
အဆင့် ၄
အရောင်လေးရောင်ထဲကမှ အရောင်အနုဆုံးနဲ့ မျက်ခွံအလယ်လောက်ကနေ မျက်လုံးအတွင်းထောင့်ကို လိမ်းခြယ်ပေးပါ။
အဆင့် ၅
အဲ့ဒီအရောင်လေးကိုပဲ အရောင်စိုစိုလေးပြောင်းသွားချင်တဲ့အတွက်ကြေင့် ဘရက်ရှ်လေးကို ရေစွတ်ပေးပြီး မျက်လုံးအချွန်ထောင့်နားကို လိမ်းခြယ်လိုက်ပါ။
မျက်လုံးအချွန်ထောင့်ခြယ်ပြီးသွားတဲ့အခါ အဲ့ဒီအရောင်အတိုင်း မျက်ခုံးအောက်အစွန်းနားကို လိမ်းခြယ်ပေးပါ။
အဆင့် ၆
အိုင်ရှဲဒိုးဆွဲတာ အလွန်အကျွံမဖြစ်ဖို့အတွက် မျက်ခုံးအစွန်း၊ မျက်လုံးအစွန်းနဲ့ နှာခေါင်းဒေါင့်စွန်းလေးကို အခုလိုပဲ ညှိလိုက်ပါ။
ညှိပြီးတဲ့အခါ ပထမအရောင်ထက် တစ်ဆင့်ရင့်တဲ့အရောင်အသုံးပြုပြီး မျက်လုံးအစွန်းကနေ မျက်ခွံအလယ်အထိ ခြယ်ပေးပါ။
အဆင့် ၇
အညိုအရင့်လေးနဲ့ မျက်ခုံးအစွန်းကနေ မျက်ခုံးရိုးအထိ ခပ်မြင့်မြင့်လေး ခြယ်ပေးလိုက်ပါ။ မျက်ခုံးအထိရောက်အောင်တော့ မခြယ်ပါနဲ့။
အဆင့် ၈
မျက်လုံးအပေါ်ပိုင်းက ခြယ်ပြီးပြီဆိုတော့ မျက်လုံးအောက်ပိုင်းကို ဆက်ခြယ်ပေးရပါမယ်။ ခုနက အသုံးပြုခဲ့တဲ့ အညိုအရင့်ဆုံးနဲ့ သူ့ထက် တစ်ဆင့်ဖျော့တဲ့ အညိုရောင်တို့ကို ရောစပ်ပြီး မျက်ခမ်းစပ်နားကို ခြယ်ပေးပါ။
အဆင့် ၉
ပိုပြီးပြည့်စုံတဲ့ မျက်ဝန်းတစ်စုံဖြစ်ဖို့အတွက် ရှဲဒိုးအမဲရောင်လေးကို မျက်တောင်မွှေးပေါက်တဲ့နေရာနဲ့ မျက်ခွံစပ်ကြားနေရာလေးကို အခုလိုပဲ ခြယ်ပေးလိုက်ပါ။
အဆင့် ၁၀
မျက်တောင်လေး ကော့ညွှတ်နေမှသာ မျက်လုံးအလှ ပိုမိုပေါ်လွင်မှာပါ။ ဒါ့ကြောင့် မျက်တောင်ကော့စက်နဲ့ အရင်ကော့ပေးပါ။ ပြီးမှ မာစကာရာထပ်ဆိုးပေးရပါမယ်။
အဆင့် ၁၁
နောက်ဆုံးအဆင့်အနေနဲ့ကတော့ မျက်လုံးလိုင်နာဆိုးပေးလိုက်ပါ။
ဒါဆိုရင်တော့ ပြီးပြည့်စုံတဲ့ မျက်ဝန်းအလှတစ်စုံကို ပိုင်ဆိုင်နိုင်ပါပြီနော်။
Source: Ogleschool.edu
