လူတိုင်းမှာ ရည်မှန်းချက်ကိုယ်ဆီ ရှိကြမှာပါ။ ရည်မှန်းချက်ရှိမှလည်း ရှင်သန်ရတာ အဓိပ္ပာယ်ရှိမှာဖြစ်ပါတယ်။ သင့်မှာ လောလောဆယ် ဘာရည်မှန်းချက်မှ မရှိသေးရင် ခဏလောက် အေးဆေးနေပြီး စဉ်းစားလိုက်ကြည့်ပါ။
တစ်နှစ်အတွင်း ငါဘာဖြစ်ချင်သလဲ။ ဒီနှစ်ကုန်ရင် ငါဘာဖြစ်နေရမလဲ။ ငါ့အိပ်မက်ကဘာလဲ၊ ရည်ရွယ်ချက်၊ ပန်းတိုင်ကဘာလဲဆိုတာကို အဖြေရှာလိုက်ပါ။ သေချာ စဉ်းစားပြီးပြီဆိုရင် ၃၆၅ ရက်ကို အခုလို စတင်လိုက်ပါ။
ဘာဖြစ်ချင်သလဲ စဉ်းစားပါ
အရင်ဆုံး ဘာမှ စမလုပ်ခင် စိတ်ကို ရှင်းရှင်းထားပြီး အချိန်ယူပါ။ သင့်ရဲ့ စိတ်ကူးတွေကို ပုံဖော်ကြည်ပါ။ ဘယ်လို စလုပ်မလဲ။ ကိုယ်ဘာဖြစ်ချင်သလဲဆိုတာကို သေချာစဉ်းစားပါ။ လုပ်ရမယ့်ဗျူဟာကို ပုံဖော်ကြည့်ပါ။
စိတ်အားထက်သန်မှုရှိရမယ်
သင့်အိပ်မက်တွေ၊ ရည်မှန်းချက်တွေနဲ့ ပတ်သတ်လို့ သင့်မှာ စိတ်အားထက်သန်မှုအပြည့်ရှိရပါမယ်။ ဒါဟာ သင့်အတွက် အားအင်တစ်ခုပါပဲ။
ပန်းတိုင်တစ်ခုထားပြီး အစီစဉ်ဆွဲပါ။
Source: Doing Kid’s Min Better
ဟိုဟာလည်း ဖြစ်ချင်တယ်၊ ဒီဟာဆိုလည်း ဖြစ်ချင်တယ်ဆိုပြီး ပန်းတိုင်တွေ အများကြီးမထားပါနဲ့။ ရိုးရိုးရှင်းရှင်း ပန်းတိုင်တစ်ခုပဲ ထားပါ။ ဘယ်လိုစလုပ်မလဲဆိုတဲ့ အစီအစဉ်ဆွဲပါ။ ဥပမာ တစ်လအတွင်း ဘယ်လိုဖြစ်ရမလဲ။ ဘယ်လိုစလုပ်မယ်ဆိုတဲ့ အစီအစဉ် ဆွဲထားပါ။
သင့်ပန်းတိုင်အတွက် နေ့စဉ်အချိန်ဇယား သတ်မှတ်ထားပါ
Source: Master of Project Academy Blog
တစ်နေ့တာလုံးမှာ ဘာလုပ်ပြီးရင် ဘာလုပ်မယ်ဆိုတဲ့ အချိန်ဇယား သတ်သတ်မှတ်မှတ်ရှိသင့်ပါတယ်။ ဘယ်အချိန်အပ်မယ်၊ ဘယ်အချိန်သွားမယ်၊ ဘယ်အချိန်အလုပ်လုပ်မယ်၊ ဘယ်အချိန် စာဖတ်မယ် စသဖြင့် အချိန်ဇယားသတ်မှတ်ထားပါ။
အရင်းနှီးဆုံးသူရဲ့ အကူအညီရယူပါ
အောင်မြင်သူတွေရဲ့ နောက်ကွယ်မှာ သိပ်ကိုတော်တဲ့ ပံ့ပိုးကူညီသူတွေရှိပါတယ်။ သူတို့ဆီက အကြံဉာဏ်တွေ ရယူပါ။
သင့်အပေါ် မကောင်းမြင်တဲ့သူတွေ၊ ရှုံ့ချတဲ့သူတွေကို အရှုံးမပေးပါနဲ့
Source: studiolegalemicciarelli.it
သင့်အပေါ် မကောင်းမြင်တဲ့သူတွေ၊ အထင်အမြင်သေးတဲ့သူတွေကြောင့် သင့်ပန်းတိုင်ကို ယိုင်လဲမသွားပါစေနဲ့။
အနိမ့်အမြင့်အတက်အကျအတွက် ပြင်ဆင်ထားပါ
တခါတလေ သင့်အတွက် စိတ်ဓာတ်ကျစရာတွေကြုံရနိုင်သလို သင့်အတွက် အနိမ့်အမြင် အတက်အကျတွေ ရှိနိုင်ပါတယ်။ အဲဒီအခါမှာ စိတ်ဓာတ်မကျဘဲ ကိုယ်ဘယ်လို သွားနေတာလဲဆိုတာ သေချာစဉ်းစားပါ။
သင့်ပန်းအတိုင်အတွက် ယုံကြည်မှုရှိပါ
သင်လုပ်နေတဲ့အလုပ်တွေကို သံသယဖြစ်နေရင်၊ သင့်ပန်းတိုင်အတွက် သံသယဖြစ်နေရင်တော့ သင့်အနေနဲ့ ဘယ်လိုမှ အောင်မြင်မှုရမှာမဟုတ်ပါဘူး။ မဖြစ်နိုင်ဘူးဆိုတဲ့ စိတ်ဖြစ်လာတာဟာ ဘယ်လိုဖြေရှင်းရမလဲဆိုတဲ့ နည်းလမ်းကို သင်ရှာမတွေ့သေးလို့ဖြစ်ပါတယ်။
ဘယ်တော့မှ ဇွဲမလျှော့ပါနဲ့
Source: barexamguru.com
အောင်မြင်မှုဆိုတာ လွယ်လွယ်နဲ့ မရပါဘူး။ အဲဒါကြောင့် ဘယ်တော့မှ ဇွဲမလျှော့ပါနဲ့။
မိမိကိုယ်ကို ဂုဏ်ပြုပါ
ငါဟိုဟာလည်း မဖြစ်နိုင်ဘူး။ ဒီဟာလည်းမဖြစ်နိုင်ဘူးဆိုပြီး ကိုယ့်ကိုကိုယ် ရှုံ့ချမနေပါနဲ့။ လျှောက်လှမ်းလာခဲ့တဲ့ ဘဝတစ်လျှောက်မှာရရှိခဲ့တဲ့ အောင်မြင်မှု သေးသေးလေးတွေကိုလည်း သင့်ဘေးက လူတွေနဲ့အတူတူ မျှဝေပါ။ သင့်ရဲ့ ဘဝမှတ်တိုင်အတွက် မိမိဘေးကလူတွေနဲ့အတူတူ ဂုဏ်ပြုလိုက်ပါ။
