MyStyle Myanmar စာဖတ်ပရိတ်သတ်အားလုံးမင်္ဂလာပါ။ ခါးသေးစေတဲ့ လေ့ကျင့်ခန်းအများစုက တံတောင်နဲ့ထောက်ပြီး အားပြုရတဲ့ လေ့ကျင့်ခန်းတွေဖြစ်တတ်ပါတယ်။ ဒါမှမဟုတ် အိပ်လျက်အနေအထားနဲ့ဖြစ်တတ်ပါတယ်။ တံတောင်ကို အားပြုတာကြာလာတဲ့အချိန် တံတောင်ညိုပြီး ပွန်းတတ်ပါတယ်။ သင်က မတ်တပ်ရပ်အနေအထားနဲ့ပဲ လေ့ကျင့်ခန်းလုပ်ချင်တယ်ဆိုရင်တော့ ဒီလေ့ကျင့်ခန်းတွေက လွယ်ကူပြီး ထိရောက်မှာပါနော်။
၁။ Reach Up
Photo Source: Popsugar
- လက်မြှောက်ပေးထားရပါမယ်။ ပြီးနောက် ဘယ်ဘက်လက်ကို ညာဘက်လက်ထက် မြင့်အောင် မြှောက်ပေးရပါမယ်။
- တစ်ခုခုကို လှမ်းယူတဲ့ပုံစံ အားယူရပါမယ်။
- ညာဘက်ကိုလည်း ဒီလိုပဲ လုပ်ပေးရပါမယ်။
- ဘယ်ညာ တစ်လှည့်စီကို တစ်ဘက်စီ ၅၀ စုစုပေါင်း အခါ ၁၀၀ ပါ။
၂။ Sideways Reach
Photo Source: Skimble
- ဒါက အကြောဆန့်တဲ့ပုံစံပါပဲ။ ဘယ်ညာတစ်လှည့်စီ စောင်းပေးရမှာပါ။
- ဘယ်ဘက်လက်ကို မြှောက်ပြီး ညာဘက်စီ ကွေးပြီး စောင်းပေးရပါမယ်။
- ဘယ်ညာ တစ်လှည့်စီ အခါ ၅၀ အကြိမ် ၁၀၀ လုပ်ပေးရပါမယ်။
၃။ Strongman
Photo Source: Popsugar
- ခန္ဓာကိုယ်ကို ဗလပြတဲ့ပုံစံမျိုး လက်နှစ်ဘက်ကို ကွေးထားပြီး လှည့်ပေးရမှာပါ။
- လှည့်တဲ့ Disc ပေါ် တက်ပြီး လှည့်သလိုပါပဲ။ ဘယ်ညာတစ်လှည့်စီ လှည့်ပေးရပါမယ်။
- ဒီလိုလှည့်တာကို ၂၅ ခါနဲ့ သုံးကြိမ်လုပ်ပေးရပါမယ်။
၄။ Cross Toe Touches
Photo Source: Pinterest
- လက်ကို ကားထားတဲ့ အနေအထားနဲ့ စပေးရပါမယ်။
- ပြီးနောက် ကြက်ခြေခတ်ပုံစံအနေအထားနဲ့ ညာလက်ကို ဘယ်ခြေထိပ်နဲ့ ထိပေးရပါမယ်။
- ဒါကို ဘယ်ညာတစ်လှည့်စီ ထိပေးရပါမယ်။
- ဒီလိုထိတာကို အခါ ၂၀ စာ ၃ ကြိမ်လုပ်ပေးရပါမယ်။
By MyStyle Myanmar
