အခုနာမည်ကြီးနေတဲ့ ‘Squid Game’ ဆိုတဲ့ k-drama ကို တော်တော်များများသိကြမယ်လို့ ထင်ပါတယ်။ ဒီ drama ကတော့ netflix original series ဖြစ်ပြီး united states ရဲ့ netflix show ranking မှာ နံပါတ်တစ်ရရှိခဲ့တဲ့ ပထမဆုံး korean drama လည်း ဖြစ်ပါတယ်။
စက်တင်ဘာ ၂၁ ရက်နေ့မှာပြုလုပ်တဲ့ US netflix show ranking ရဲ့ top 10 list ထဲမှာဆိုရင်တော့ ‘Squid Game’ က Top 1 နေရာရရှိခဲ့ပါတယ်။ Top 2 နေရာမှာတော့ ‘Sex Education’ ဖြစ်ပြီး Top 3 နေရာမှာတော့ ‘Clickbait’ ဖြစ်ပါတယ်။
‘Squid Game’ ရဲ့ ဇာတ်လမ်းသဘောကတော့ ဒေါ်လာသန်း ၄၀ ရရှိဖို့အတွက် အသက်တွေကို လောင်းကြေးထပ်ပြီး ကစားရတဲ့ game မျိုးကို ကစားကြမယ့် ဇာတ်လမ်းပါပဲ။ ဒီဇာတ်လမ်းက သွေးထွက်သံယိုတွေပါတာကြောင့် နှလုံးမကောင်းတဲ့သူနဲ့ သွေးထွက်သံယိုတွေကို မကြည့်ရဲတဲ့သူတွေကတော့ မကြည့်သင့်ပါဘူး။
Horror ဇာတ်လမ်းတွေ ကြိုက်တဲ့သူတွေကတော့ ကြည့်သင့်ပါတယ်။ သည်းထိတ်ရင်ဖိုနဲ့ကြည့်ရမှာဖြစ်ပြီး ကြည့်နေရင်းနဲ့လည်း အရမ်းစိတ်ဝင်စားဖို့ကောင်းပါတယ်။ ဘယ်လို game တွေကိုဆော့ပြီး အသက်မသေအောင် ဘယ်လိုတွေကြိုးစားကြမှာလဲ၊ ဒီ game ရှုံးလို့ သေသွားတဲ့သူတွေကရော ဘယ်ကိုရောက်သွားကြတာလဲ၊ ဒီ game ကို နောက်ကွယ်ကနေ ချုပ်ကိုင်နေကြတဲ့သူတွေကရော ဘယ်သူတွေများလဲ၊ နောက်ဆုံးမှာရော ဘယ်လိုတွေဖြစ်သွားမလဲဆိုတာကို သိချင်စိတ်တွေနဲ့ ကြည့်ရမှာမို့ အရမ်းမိုက်ပါတယ်။
source:www.allkpop.com
