တောင်ကိုရီးယားက လက်ရှိ အင်မတန်ကျော်ကြားပြီး နာမည်ကြီးနေတဲ့ အနုပညာရှင်တွေကို ပြောမယ် လိုက်မေးမယ်ဆိုရင် အမျိုးသား Group ဆို BTS, အမျိုးသမီး Group ဆို BlackPink နဲ့ တစ်ကိုယ်တော် အမျိုးသမီးအဆိုတော်ဆိုရင် IU ကိုပဲ အရင်ဆုံး ပြေးမြင်ကြမယ်ထင်ပါတယ်နော်။
အခုတစ်ခေါက်မှာလည်း အနုပညာရှင်တို့ရဲ့ ဖက်ရှင်ကဏ္ဍအတွက် ရွေးချယ်ထားတာကလည်း IU ပဲဖြစ်ပါတယ်။ သူမရဲ့ ဖက်ရှင်တွေထဲကမှ Stage Outifts တွေကို ရွေးချယ်ဖော်ပြပေးချင်ပါတယ်။
IU က တောင်ကိုရီးယားနိုင်ငံမှာဆိုရင် အမျိုးသမီးရော အမျိုးသားပါ ပရိသတ်အင်အားတောင့်တဲ့ အနုပညာရှင်တစ်ဦးဖြစ်ပါတယ်။ သူမရဲ့သီချင်းတွေကဆိုရင်လည်း ထွက်သမျှ အရမ်းလူကြိုက်များလှပါတယ်။
၁၉၉၃ ခုနှစ်ဖွားမို့လို့ အခုဆိုရင် အသက် ၃၀ ရှိနေပါပြီနော်။ သီချင်းအဆိုပိုင်းမှာသာမက သရုပ်ဆောင်ပိုင်းမှာလည်း နေရာတစ်နေရာရထားပြီး အသိအမှတ်ပြုခံထားရပါတယ်။
ကဲ…လူကောင်သေးသေးလေးနဲ့ ဘယ်လိုနေနေ ဘယ်လိုဝတ်ဝတ် ချစ်စရာကောင်းတဲ့ IU ရဲ့ စတိတ်စင်ထက်က ဖက်ရှင်တွေကို စုစည်းတင်ဆက်ပေးလိုက်ရပါတယ်။
Image Source: Pinterest
