တခေတ်တခါတုန်းက အရမ်းလူကြိုက်များခဲ့တဲ့ အမျိုးသမီးကေပေါ့အဖွဲ့တွေကို ပြောပါဆိုပြီး လူတိုင်းကို လိုက်မေးမယ်ဆိုရင် T-ara အဖွဲ့ကိုလည်း ဖြေကြမယ်လို့ထင်ပါတယ်။ T-ara အဖွဲ့ဟာဆိုရင် အခုချိန်ထိ ကြားလိုက်တိုင်း လိုက်ဆိုချင်စရာကောင်းတဲ့ သီချင်းကောင်းတွေကို အများကြီး ထုတ်ခဲ့ပြီးပါပြီ။
အခုတော့ အဖွဲ့ဖျက်သိမ်းလိုက်ပြီး အဖွဲ့ဝင်အများစုက သရုပ်ဆောင်လမ်းကြောင်းကို လျှောက်လှမ်းနေကြပါတယ်။ ဒီအထဲမှာ အဖွဲ့ရဲ့ အငယ်ဆုံးလေး Jiyeon လည်း ပါဝင်နေပါတယ်။ အခုတစ်ခါမှာတော့ Jiyeon ရဲ့ ဖက်ရှင်တွေကို ပရိသတ်ကြီးအတွက် မျှဝေပေးသွားမှာဖြစ်ပါတယ်။
ဖက်ရှင်တွေကို မမျှဝေခင် သူမရဲ့အကြောင်းလေးကို နည်းနည်းပြောပြပေးမယ်နော်။ သူမရဲ့နာမည်အပြည့်အစုံက Park Ji-yeon ဖြစ်ပြီး ၁၉၉၃ ခုနှစ် ဇွန်လ (၇) ရက်နေ့မှာ မွေးဖွားခဲ့ပါတယ်။
၂၀၀၉ ခုနှစ်မှာ T-ara အဖွဲ့နဲ့ Debut လုပ်ခဲ့ပြီး Soul, Master of Study, Dream High 2, Triangle, Death Bell 2: Bloody Camp, Encounter စတဲ့ ဇာတ်ကားတွေမှာလည်း ပါဝင်သရုပ်ဆောင်ခဲ့ဖူးပါတယ်။
အခုချိန်မှာတော့ အသက် (၃၀) ရှိပြီဖြစ်တဲ့ Jiyeon ဟာ ၂၀၂၂ ခုနှစ်မှာတော့ ပရော်ဖက်ရှင်နယ် ဘေ့စ်ဘောကစားသမားဖြစ်တဲ့ Hwang Jae-gyun နဲ့ လက်ထပ်ခဲ့ပြီး ပျော်ရွှင်တဲ့ အိမ်ထောင်သည်ဘဝကိုလည်း သူမရဲ့ Youtube Vlog တွေမှာ ရိုက်ကူးပြလေ့ရှိပါတယ်။
အိမ်ထောင်ကျသွားမှ ပိုလှလာတဲ့ Jiyeon ရဲ့ ဖက်ရှင်လေးတွေကို အခုပဲ ကြည့်လိုက်ရအောင်ပါ။
Image Source:
