အသက် ၄၀ ကျော်အမျိုးသမီးတို့အတွက် တောင်ကိုရီးယားမင်းသမီး Song Yoon-ah ရဲ့ ဖက်ရှင်များ

အားလုံးပဲ မင်္ဂလာပါ။ လူကြီးတွေကြိုက်ကြတဲ့ ဇာတ်လမ်းတွဲတွေထဲမှာ တွေ့ရလေ့ရှိတဲ့ ဝါရင့်မင်းသမီး Song Yoon-ah ကို ပရိသတ်တွေ သိကြမှာပါ။ မြန်မာပရိသတ်တွေကြားမှာ အထူးရေပန်းစားခဲ့တဲ့ သူမရဲ့ဇာတ်ကားလေးတွေကတော့ Secret Mother, K2 နဲ့ လက်ရှိပြသနေဆဲ Show Window: The Queen’s House ဆိုတဲ့ ကိုရီးယားဇာတ်လမ်းတွဲလေးတွေပါပဲ။

သူမကို ၁၉၇၃ ခုနှစ် ဇွန်လ ၇ ရက်နေ့မှာ တောင်ကိုရီးယားနိုင်ငံ ဆိုးလ်မြို့မှာ မွေးဖွားခဲ့တာပါ။ သူမရဲ့အရပ်အမြင့်ကတော့ ၅ ပေ ၅ လက်မကျော် ရှိပါတယ်။ မင်းသား Sol Kyung Gu နဲ့ ၂၀၀၉ ခုနှစ် မေလ ၂၈ ရက်နေ့မှာ လက်ထပ်ခဲ့ပြီး သားတစ်ယောက် ဖွားမြင်ထားပါတယ်။

တက္ကသိုလ်ကျောင်းသူဘဝမှာပဲ မော်ဒယ်လ်အေဂျင်စီမှာလျှောက်ကြည့်ဖို့ အကြံပေးခံခဲ့ရာကနေ ၁၉၉၅ ခုနှစ်မှာတော့ အနုပညာလောကထဲ စတင်ဝင်ရောက်ခဲ့ပါတယ်။ ရသရှိုးတွေအများစုမှာလည်း Host အနေနဲ့ လုပ်ကိုင်ခဲ့ဖူးပြီး Jail Breakers (2002) ဇာတ်ကားနဲ့ On Air (2008) ဇာတ်ကားတွေအတွက်လည်း နောက်ခံတေးသီချင်းသီဆိုခဲ့ဖူးပါတယ်။

သူမပါဝင်ထားတဲ့ အခြားကျော်ကြားတဲ့ဇာတ်ကားတွေကတော့ Secret Garden, Graceful Friends, Room No.9 နဲ့ Assembly ဆိုတဲ့ ဇာတ်လမ်းတွဲတွေပဲဖြစ်ပါတယ်။ မျက်နှာလေးက အမြဲတမ်းတည်ကြည်နေတတ်တဲ့ Song Yoon-ah ရဲ့ ဖက်ရှင်လေးတွေကို သူမရဲ့ ပရိသတ်တွေအတွက် ဝေမျှပေးလိုက်တယ်နော်။