ကေပေါ့ဖန်တွေဆိုရင် တချိန်က တော်တော်လေးအောင်မြင်ခဲ့တဲ့ အမျိုးသမီးကေပေါ့အဖွဲ့တွေထဲက Girl’s Day အဖွဲ့ကိုလည်း ကျိန်းသေပေါက် သိမယ်ထင်ပါတယ်နော်။ အခုတစ်ခါမှာတော့ Girl’s Day အဖွဲ့ထဲက အငယ်ဆုံးလေး Hyeri ရဲ့ ဖက်ရှင်တွေကို ဝေမျှပေးသွားမှာဖြစ်ပါတယ်။
Hyeri ရဲ့ နာမည်အပြည့်အစုံက Lee Hye-ri ဖြစ်ပြီးတော့ ၁၉၉၄ ခုနှစ် ဇွန်လ (၉) ရက်နေ့ဖြစ်ပါတယ်။ မွေးရပ်မြေကတော့ တောင်ကိုရီးယားနိုင်ငံ Gwangju, Gyeonggi ပါ။ မိသားစုဝင်တွေအနေနဲ့ကတော့ အဖေ၊ အမေနဲ့ ညီမလေးတစ်ယောက်ရှိပါတယ်။
တောင်ကိုရီးယားနိုင်ငံမှာ တော်တော်လူသိများခဲ့တဲ့ Real Men ဆိုတဲ့အစီအစဥ်မှာ ပါဝင်ခဲ့ရာကနေ သူမရဲ့ကျော်ကြားမှုကြောင့် “Nation’s Little Sister” ဆိုတဲ့ နာမည်တောင် ရရှိခဲ့ပါသေးတယ်။
၂၀၁၅ ခုနှစ်တုန်းက ထွက်ရှိခဲ့တဲ့ Reply 1988 ဇာတ်လမ်းတွဲမှာ ခေါင်းဆောင်မင်းသမီးအဖြစ် ပါဝင်သရုပ်ဆောင်ခဲ့တာမှာ တရှိန်ထိုး နာမည်ပိုတက်သွားစေခဲ့ပါတယ်။ Amazing Saturday ဆိုတဲ့ အစီအစဥ်မှာလည်း ၂၀၁၈ ခုနှစ်ကနေ ၂၀၂၀ အထိ ပါဝင်ခဲ့ပေမယ့်လည်း သရုပ်ဆောင်အလုပ်ကို ဇောက်ချလုပ်နိုင်ဖို့အတွက် နှုတ်ထွက်ခဲ့ပါတယ်။
သူမပါဝင်ခဲ့ဖူးတဲ့ တခြားဇာတ်လမ်းတွဲတွေကတော့ My Roommate Is a Gumiho, May I Help You?, Moonshine, Two Cops, Entertainer, Miss Lee တို့ဖြစ်ပါတယ်။
အခုလိုမျိုး ဟန်ဆောင်မှုမရှိဘဲ ကလေးလေးလို ချစ်ဖို့ကောင်းတဲ့ Hyeri ရဲ့ပေါ့ပေါ့ပါးပါး ဖက်ရှင်တွေကို ပရိသတ်တွေအတုယူနိုင်အောင်လို့ စုစည်းတင်ဆက်ပေးလိုက်ရပါတယ်။
