Taxi Driver ဇာတ်လမ်းတွဲနဲ့ လူသိများလာခဲ့တဲ့ မင်းသမီးလေး Pyo Ye Jin ရဲ့ ဖက်ရှင်များ

ဟယ်လို MyStyle Myanmar ပရိတ်သတ်တို့ရေ..ဒီတစ်ခေါက် အနုပညာရှင်တို့ရဲ့ ဖက်ရှင်ကဏ္ဍမှာတော့ ရွေးချယ်ဖော်ပြပေးချင်တဲ့ မင်းသမီးလေးက Pyo Ye Jin ပဲ ဖြစ်ပါတယ်။

Pyo Ye Jin ကိုတော့ မြန်မာပရိတ်သတ်တွေ ပိုပြီးလူသိများကြမယ့် ဇာတ်လမ်းတွဲကို ပြောရမယ်ဆိုရင် Taxi Driver ပါပဲ။ Season 1 ရော Season 2 ရော အောင်မြင်မှုတွေ ရရှိခဲ့တဲ့ ဇာတ်လမ်းတွဲတစ်ခုဖြစ်ပါတယ်။

သူမကို ၁၉၉၂ ခုနှစ် ဖေဖော်ဝါရီလ ၃ ရက်နေ့မှာ တောင်ကိုရီးယားနိုင်ငံ Changwon-si မှာ မွေးဖွားခဲ့တာဖြစ်ပါတယ်။ Taxi Driver ဇာတ်လမ်းတွဲအပြင် VIP ဇာတ်လမ်းတွဲမှာလည်း ပါဝင်သရုပ်ဆောင်ခဲ့ပါသေးတယ်။

Pyo Ye Jin ဟာ ၂၀၁၁ ခုနှစ်ကနေ ၂၀၁၃ ခုနှစ်အထိ Korean Air မှာ လေယာဥ်မယ်အဖြစ် လုပ်ကိုင်ခဲ့ပြီး သရုပ်ဆောင်လုပ်ငန်းလုပ်ဖို့အတွက် နှုတ်ထွက်ခဲ့ပါတယ်။ JYP Entertainment မှာ ၂၀၁၅ ခုနှစ်အထိ မင်းသမီးဖြစ်ဖို့ Training ဆင်းခဲ့ပါသေးတယ်။

Taxi Driver, Our Blooming Youth, What’s Wrong with Secretary Kim, Fight for My Way, VIP, Love Returns စတဲ့ ဇာတ်လမ်းတွဲတွေမှာ ပါဝင်သရုပ်ဆောင်ခဲ့တဲ့ သူမကို ချစ်ကြတဲ့ ပရိတ်သတ်တွေအတွက် ရိုးရိုးလေးနဲ့ လှလှလေးတွေ ဝတ်တတ်တဲ့ Pyo Ye Jin ရဲ့ ဖက်ရှင်တွေကို ဖော်ပြပေးချင်ပါတယ်။