၁၉၉၁ ခုနှစ်ဖွား မင်းသမီးချော Jo Bo Ah ရဲ့ ဖက်ရှင်များ

ကိုရီးယားဒရမ်မာ ဇာတ်လမ်းတွဲတွေကို အမြဲမပြတ် စောင့်မျှော်ကြည့်ရှုနေကြတဲ့ ပရိသတ်ကြီးဆိုရင်တော့ မင်းသမီး Jo Bo Ah ကို သေချာပေါက်သိကြမယ်လို့ ထင်ပါတယ်။ Tale of the Nine Tailed ဇာတ်ကားနဲ့ ပိုပြီးလူသိများလာတယ်ဆိုလည်း မမှားပါဘူး။

သူမရဲ့ နာမည်အရင်းက Jo Bo-yoon ဖြစ်ပြီးတော့ ၁၉၉၁ ခုနှစ် ဩဂုတ်လ (၂၂) ရက်နေ့ဖွား ဖြစ်ပါတယ်။ တောင်ကိုရီးယားနိုင်ငံ ဆိုးလ်မြို့မှာ မွေးဖွားခဲ့တာဖြစ်ပြီး ညီမလေးတစ်ယောက်ရှိပါတယ်။

ပညာရေးအနေနဲ့ကတော့ နာမည်ကြီးတက္ကသိုလ်တွေထဲက တစ်ခုဖြစ်တဲ့ Sungkyunkwan University ကျောင်းဆင်းဖြစ်ပါတယ်။

I Live in Cheongdam-dong ဆိုတဲ့ အစီအစဥ်လေးကနေပြီး သရုပ်ဆောင်လုပ်ငန်းကို စတင်လုပ်ကိုင်ခဲ့တာဖြစ်ပြီးတော့ tvN က ထုတ်လွှင့်ပြသခဲ့တဲ့ Shut Up Flower Boy Band ဇာတ်လမ်းတွဲမှာ ခေါင်းဆောင်မင်းသမီးအနေနဲ့ ပထမဆုံး ရိုက်ကူးခဲ့ပါတယ်။

သူမရဲ့ တခြားလူသိများတဲ့ ဇာတ်လမ်းတွဲတွေကို ပြောရမယ်ဆိုရင်တော့ The Missing, All About My Mom, Love Cells 2, Sweet Stranger and Me, My Strange Hero, Forest, Military Prosecutor Doberman, Destined With You တို့ဖြစ်ပါတယ်။

အခုလိုမျိုး မင်းသမီး Jo Bo Ah ကို ချစ်ခင်နှစ်သက်ကြတဲ့ ပရိသတ်တွေအတွက် သူမရဲ့ဖက်ရှင်လေးတွေကို စုစည်းတင်ဆက်ပေးလိုက်ရပါတယ်။