ကိုရီးယားကားတွေကို အမြဲလိုလိုကြည့်ဖြစ်တဲ့ ပရိတ်သတ်တွေအနေနဲ့ တောင်ကိုရီးယားနိုင်ငံ မင်းသမီးချောတွေထဲက Han Ye Seul ကိုလည်း သိကြမယ်လို့ထင်ပါတယ်။
မင်းသမီး Han Ye Seul ကို လော့စ်အိန်ဂျလိစ်၊ ကယ်လီဖိုးနီးယားပြည်နယ်၊ United States မှာ မွေးဖွားခဲ့ကာ သူမရဲ့မွေးနေ့ကတော့ စက်တင်ဘာ ၁၈ ရက်နေ့ ၁၉၈၁ ခုနှစ်ဖွားဖြစ်ပြီး လက်ရှိအချိန်မှာတော့ အသက် ၄၀ ရှိပါပြီ။ အရပ်အမြင့် ၁၆၆ စင်တီမီတာနဲ့ ကိုယ်အလေးချိန် ၁၀၁ ပေါင်ရှိတဲ့ မင်းသမီး Han Ye Seul ဟာ မိန်းကလေးတွေအားကျရတဲ့ ခန္ဓာကိုယ်အချိုးအစားကို ပိုင်ဆိုင်ထားပါတယ်။
ကိုရီးယားဘာသာနှင့် အင်္ဂလိပ်ဘာသာစကားနှစ်မျိုးကို ပြောဆိုနိုင်ပြီး ၂၀၀၁ ခုနှစ်တုန်းက SBS မှ ကျင်းပခဲ့တဲ့ စူပါမော်ဒယ်လ်ပြိုင်ပွဲမှာ အနိုင်ရရှိခဲ့ရာကနေ တောင်ကိုရီးယားနိုင်ငံမှာ မော်ဒယ်လ်အလုပ်အကိုင်ကို စတင်ခဲ့တာဖြစ်ပါတယ်။ ထိုအချိန်တုန်းက Song Hye-kyo, Jun Ji-hyun, Kim Tae-hee တို့လို အလှဆုံးမင်းသမီးတွေထဲမှာ တစ်ဦးအပါအဝင်ဖြစ်ကာ သရုပ်ဆောင်ပိုင်းမှာလည်း ဆုတွေအများကြီးကို ဆွတ်ခူးရရှိထားပါသေးတယ်။
၂၀၁၄ ခုနှစ်မှာတော့ အမေရိကန်ရက်ပါတစ်ဦးဖြစ်ပြီး YG Entertainment မှ ထုတ်လုပ်သူလည်းဖြစ်တဲ့ Teddy Park နဲ့ ၂၀၁၃ ခုနှစ်ကတည်းက တွဲနေကြတယ်ဆိုပြီးတော့လည်း ကြေညာခဲ့ပေမယ့်လည်း ၂၀၁၆ ခုနှစ်မှာတော့ လက်တွဲဖြုတ်ခဲ့ကြပါတယ်။
ခန္ဓာကိုယ်အချိုးအစားလှပလွန်းလို့ Barbie Doll လို့ ချစ်စနိုးအမည်ရတဲ့ Han Ye Seul ဟာ ဖက်ရှင်ပိုင်းမှာလည်း သူမတူအောင် ဝတ်စားတတ်လွန်းတာမို့ MyStyle Myanmar မှ ချစ်ပရိတ်သတ်တွေအတွက် စုစည်းတင်ဆက်ပေးလိုက်ရပါတယ်။
