မင်္ဂလာပါနော်။ K-Drama ချစ်သူတွေကတော့ တောင်ကိုရီးယားက အနုပညာရှင် Lee Soo Hyuk ကို ရင်းနှီးပြီးသားဖြစ်မယ်လို့ ထင်ပါတယ်။
တခြားတောင်ကိုရီးယားမင်းသားတွေလို သရုပ်ဆောင်အလုပ်ကိုသာ လုပ်ကိုင်တာမဟုတ်ဘဲနဲ့ သူ့ရဲ့ရှည်လျားတဲ့အရပ်၊ ခန့်ညားပြီး ယောကျာ်းပီသတဲ့ အသွင်အပြင်တို့နဲ့ ပိတ်ကားပေါ်မှာသာမက လျှောက်လှမ်းပေါ်ကနေပါ ပရိသတ်တွေကို ပိုပြီးဆွဲဆောင်ထားနိုင်ပါတယ်။
၁၉၈၈ ခုနှစ် မေလ ၃၁ ရက်နေ့က တောင်ကိုရီးယားနိုင်ငံ Gwacheon-si မှာ မွေးဖွားခဲ့ပြီး အခု ၂၀၂၁ ထဲမှာ အသက် ၃၃ နှစ်ပြည့်ပြီးသွားပါပြီ။
အသက် ၃၃ ဆိုပေမယ့် သူ့ရဲ့ ဘော်ဒီအချိုးအစားနဲ့ ခန့်ညားတဲ့သွင်ပြင်ကတော့ ပရိသတ်တွေရဲ့အသည်းကို ဖမ်းစားထားနိုင်ဆဲဖြစ်ပါတယ်။
YG Entertainment ရဲ့ အနုပညာရှင်တစ်ဦးဖြစ်သလို အလယ်တန်းကျောင်းသားဘဝကတည်းက မော်ဒယ်အဖြစ် စတင်လုပ်ကိုင်ခဲ့ပြီးနောက် 2ne1 အဖွဲ့ရဲ့ “It Hurts” နဲ့ “Falling in Love” MV တွေမှာလည်း ပါဝင်ထားဖူးပါသေးတယ်။ Scholar Who Walks the Night, Vampire Idol, Sweet Stranger and Me, Doom At Your Service စတဲ့ ရုပ်သံဇာတ်လမ်းတွဲမှာလည်း ပါဝင်သရုပ်ဆောင်ခဲ့ပါတယ်။
အရပ်အမြင့် ၁.၈၄ မီတာရှိပြီး သွေးအမျိုးအစားက AB ဖြစ်ပါတယ်။ အရပ်မြင့်မြင့်နဲ့ ဘော်ဒီအမိုက်စားဖြစ်သလို အမြဲဖက်ရှင်ကျကျ ခပ်မိုက်မိုက် ဝတ်ဆင်တတ်တဲ့ Lee Soo Hyukရဲ့ ဖက်ရှင်တွေကို မျှဝေပေးလိုက်ပါတယ်နော်။
