“Nevertheless” လို့ ကြားလိုက်တာနဲ့ မင်းသားနဲ့ မင်းသမီးရဲ့ စွဲမက်ဖွယ် သရုပ်ဆောင်မှု၊ ယုယကြင်နာမှုတွေကို တစ်ပါတည်း ပြေးမြင်မိမှာပါ။ “လိပ်ပြာကြည့်မလား” ဆိုတဲ့ စကားကို ကြားဖူးရင် သင်က ဒီဇာတ်ကားကို တော်တော်ရင်းနှီးနေပါပြီ။ ဒီဇာတ်လမ်းထဲမှာ သရုပ်ဆောင်ထားသူတွေကတော့ မင်းသား Song Kang နဲ့ မင်းသမီး Han So Hee တို့ ဖြစ်ပါတယ်။ မင်းသား Song Kang ရဲ့ မင်းသမီးအပေါ် ပြုမူတဲ့ ကြင်နာယုယမှုတွေကြောင့် ဒီဇာတ်လမ်းက ပိုနာမည်ရလာတာဖြစ်ပါတယ်။ ခဏတဖြုတ် ကြည့်လိုက်ရုံနဲ့ ဒီဇာတ်လမ်းထဲက မင်းသားနဲ့ မင်းသမီးဟာ ဇာတ်ကားထဲမှာ ဘယ်လောက်ထိ စိတ်နှစ်ပြီး ကြိုးစား သရုပ်ဆောင်ထားလဲ သိသာလွန်းပါတယ်။
မင်းသား Song Kang က အသက် ၂၇ နှစ်ရှိပြီ ဖြစ်ပြီး “Nevertheless” အပြင် “Love Alarm” “Sweet Home” စတဲ့ ဇာတ်လမ်းတွေနဲ့ နာမည်ရထားသူဖြစ်ပါတယ်။ နှုတ်ခမ်းစုစုလေးနဲ့ ချစ်ဖို့ကောင်းသလို ခန့်ညားလွန်းတဲ့ Song Kang က ပျိုမေတွေရဲ့ အသည်းစွဲဆိုလည်း မမှားပါဘူး။ ဒီတော့ Song Kang ရဲ့ ပရိတ်သတ်တွေ အတွက် သူ့ရဲ့ ကြည့်ကောင်းတဲ့ ဖက်ရှင်စတိုင်တွေကို ကြည့်လိုက်ရအောင်နော်-
Photo Source: Pinterest
By MyStyle Myanmar
