ရင့်ကျက်တဲ့ မိန်းကလေးတွေနဲ့ လိုက်ဖက်မယ့် မင်းသမီး Son Ye-jin ရဲ့ ဆံပင်စတိုင်များ

Son Ye-jin က ၂၀၀၃ ခုနှစ်တည်းက အနုပညာလုပ်ငန်းမှာ အောင်မြင်မှု ရရှိခဲ့သူ ဖြစ်ပါတယ်။ သူမရဲ့ ပီပြင်လှတဲ့ သရုပ်ဆောင်ချက်ကို “The Classic” ဆိုတဲ့ နာမည်ကျော် ဇာတ်လမ်းမှာ သင်ကြည့်ဖူးမှာပါ။ အခုလက်ရှိ Son Ye-jin က အသက် ၄၀ ရှိပြီ ဖြစ်ပြီး သူမရဲ့ နောက်ဆုံးထွက်ထားတဲ့ ဇာတ်ကားဖြစ်တဲ့ Thirty Nine ဇာတ်လမ်းက ပရိတ်သတ်တွေကြားထဲ လူကြိုက်များခဲ့ပါတယ်။ ဒီတစ်ခေါက်မှာတော့ အရွယ်တစ်ခုရောက်ပြီး ရင့်ကျက်နေပြီ ဖြစ်တဲ့ မိန်းကလေးတို့နဲ့ လိုက်ဖက်မယ့် စီနီယာမမ Son Ye-jin ပြင်ဆင်လေ့ရှိတဲ့ ဆံပင်စတိုင်တွေကို ဖော်ပြလိုက်ပါတယ်။ သူမရဲ့ ဆံပင်စတိုင်အများစုက လူကြီးဆန်ပြီး အေးဆေးတည်ငြိမ်တဲ့ Vibe မျိုးကို အပြည့်အဝ ပေးနိုင်ပါတယ်။ ဆံပင်စတိုင် အများစုက အရှည်ကို ဒီအတိုင်း ရိုးရိုးလေး ချထားတာကို သင်တွေ့ရပါလိမ့်မယ်။ ဒီတော့ ကြည့်လိုက်ရအောင်နော်-

Son Ye-jin က ဆံပင်ကို လှိုင်းတွန့် ပြေပြေလေးနဲ့ တစ်ဘက်ကို ရှေ့မှာ ထားကာ နောက်တစ်ဘက်ကို နောက်မှာ ထားလေ့ရှိပါတယ်။ ဒီဆံပင်စတိုင်က လူကြီးဆန်ဆန် လှချင်တဲ့ မိန်းကလေးတွေနဲ့ သင့်တော်ပါတယ်။

နောက်ထပ် Son Ye-jin ရဲ့ တွေ့ရများတဲ့ ဆံပင်စတိုင်ကတော့ ဆံပင်အဖြောင့်ကို နောက်မှာ ဒီအတိုင်း ချထားတာပါ။ ထူးခြားတာက နားရွက်နောက်မှာ ဆံပင်အကုန်သိမ်းထားပြီး မျက်နှာရှင်းရှင်းလေးကို မြင်ရတာပါ။