ဆိုးထားတဲ့ ခြေသည်းနီလက်သည်းနီတွေ ကြာရှည်ခံစေမယ့် နည်းလမ်းကောင်းတချို့

မိန်းကလေးတစ်ယောက်အတွက် လက်သည်းလေးတွေလှပနေဖို့ကလည်း လိုအပ်တဲ့အရာတစ်ခုပဲပေါ့။ လှပတဲ့လက်ချောင်းလေးတွေကို ပိုပြီးလှအောင် အရောင်လေးတွေခြယ်သတတ်တာကလည်း မိန်းကလေးတိုင်းရဲ့ ဝါသနာတစ်ခုပါ။

ခြေသည်းလေးတွေကလည်း ထိုနည်းလည်းကောင်းပဲပေါ့။ ကြည်လင်ပြီးသန့်စင်နေတဲ့ ခြေသည်းလက်သည်းလေးတွေက ပိုလှတယ်ဆိုပေမယ်လည်း အရောင်လေးတွေနဲ့က ပိုကြည့်လို့ကောင်းတာပေါ့။

ခြေသည်းနီလက်သည်းနီဆိုတဲ့အခါမှာ ကြာရှည်ခံစေဖို့နည်းလမ်းကောင်းတွေရှိပါတယ်။

Topcoat လေးထပ်ထပ်ပြီးဆိုးပေးပါ

Source: Best Health Magazine

လက်သည်းနီအရောင်ဆိုးပြီးသွားတဲ့အခါမှာ အပေါ်ကနေ အကြည်ရောင် Topcoat ကိုဆိုးပေးပါ။ အများကြီးနဲ့အထူကြီးဆိုးလိုက်ရင်လည်း လက်သည်းနီကတော်တော်နဲ့မခြောက်တော့တဲ့ ထိမိတာတွေဆိုရင်ကြည့်လို့မကောင်းတော့ဘူးပေါ့။ ဒါကြောင့် ၂ ရက်လောက်ဆက်တိုက် Topcoat လေးထပ်ပြီးဆိုးပေးထားလိုက်ရင် ကြာရှည်ခံစေမှာပါ။

အစိုဓာတ်ရရှိနေအောင်ထားပါ

Source: StyleCaster

လက်တွေခြေထောက်တွေက အသားအရေတွေခြောက်သွေ့နေပြီဆိုရင် ခြေသည်းတွေကလည်းခြောက်သွေ့ပြီး ဆိုးထားတဲ့လက်သည်းနီတွေကိုလည်း ကြာရှည်မခံစေတော့ပါဘူး။ ဒ့ါကြောင့် သင့်လက်တွေခြေထောက်တွေကို  Lotion လေးလိမ်းပေးဖို့ မမေ့ပါနဲ့။

Gel လက်သည်းနီကို စမ်းဆိုးကြည့်ပါ

အခုနောက်ပိုင်းမှာ ခေတ်စားလာတဲ့ Gel လက်သည်းနီတွေဟာဆိုရင်လည်း အရောင်လေးတွေကအရမ်းလှပြီး ဆိုးလိုက်ရင်လည်း ပြောင်ပြောင်လေးနဲ့ဆိုတော့ တော်တော်လေးကို သဘောကျစရာကောင်းပါတယ်။ သူက တစ်လလောက်ကြာရှည်ခံတယ်နော်။

အရည်အသွေးကောင်းတဲ့ ပစ္စည်းကိုရွေးချယ်ပါ

Source: Kozmartin

တော်တော်များများက လက်သည်းနီဆိုရင် ဈေးပေါတာတွေကိုဝယ်တတ်ကြပါတယ်။ ဒါက မှန်ကန်တဲ့နည်းလမ်းတော့မဟုတ်ဘူးနော်။ မကောင်းတဲ့လက်သည်းနီတွေကို အချိန်ကြာကြာဆိုးလာမယ်ဆိုရင် လက်သည်းပျက်စီးတာတွေကို ဖြစ်စေပြီး အရည်အသွေးမကောင်းတာကြောင့် မြန်မြန်လည်းပျက်စေတတ်ပါတယ်။

ကဲ ပျိုမေတို့ရေ ဒီနည်းလမ်းတွေကတော့ လက်သည်းနီကိုကြာရှည်ခံစေမယ့် နည်းလမ်းကောင်းလေးတွေဖြစ်တာကြောင့် လှပတဲ့လက်သည်းလေးတွေကို တန်ဖိုးထားတဲ့ ပျိုမေတိုင်းလိုက်လုပ်ကြည့်ဖို့တော့ မမေ့နဲ့နော်။