Sunspots တွေက မျက်နှာမှာပဲထွက်တာမဟုတ်ပါဘူး၊ နေလောင်ခံထားရတဲ့နေရာအကုန် ထွက်ပါတယ်။ ဒါကြောင့်လည်း နေလောင်မခံရအောင် Sunscreen လိမ်းဖို့ပြောကြတာပေါ့။ နေလောင်ခံထားရရင် ပျောက်အောင်လုပ်ဖို့က အချိန်တော့နည်းနည်းယူရပါတယ်။ ဒါကြောင့် နေလောင်ခံထားရတဲ့ Sunspots တွေကို ပျောက်အောင်လုပ်နိုင်မယ့် သဘာဝနည်းလမ်းတချို့ကို ပြောပြပေးလိုက်ပါတယ်။

သံပုယိုသီး

သံပုယိုသီးကို အရည်ညှစ်ပြီး Cotton ဖတ်လေးနဲ့ယူကာ နေလောင်ခံထားရတဲ့နေရာတွေမှာ ပွတ်ပေးနိုင်ပါတယ်။ အရမ်းမပြင်းတဲ့နေလောင်ဒဏ်တွေဆိုရင် သံပုယိုသီးနဲ့အဆင်ပြေပါတယ်။ Sensitive Skin တွေဆိုရင်တော့ ရေနဲ့နည်းနည်းရောလိမ်းပါ။ တစ်ပတ်မှာ ၃ ကြိမ်လုပ်ပေးပါ။

သင်္ဘောသီးအမှည့်

သင်္ဘောသီးအမှည့်ကို အခွံခွာထုတ်ပြီး အသားကိုကျေညက်အောင်ချေကာ မျက်နှာမှာလိမ်းပေးပါ။ မိနစ် ၂၀ ကြာရင် ရေကြက်သီးနွေးနဲ့ မျက်နှာသစ်ပေးပါ။ သူကတော့ သံပုယိုသီးထက်စာရင် Mild ပိုဖြစ်တာပေါ့။ မနက်တစ်ကြိမ်၊ ညတစ်ကြိမ် လုပ်ပေးပါ။

ခရမ်းချဉ်သီး

ခရမ်းချဉ်သီးကို အရည်ရအောင်လုပ်ပြီးမျက်နှာမှာလိမ်းလို့လည်းရသလို အချပ်လေးတွေလှီးပြီး ကပ်ထားလို့လည်းရပါတယ်။ ၁၀ မိနစ်လောက် ကပ်ထား၊ လိမ်းထားပြီးရင် ရေအေးနဲ့ပဲ မျက်နှာသစ်လိုက်ပါ။ တစ်ပတ်မှာ ၃ ကြိမ်လုပ်ပေးပါ။
အခုပြောပြပေးခဲ့တဲ့နည်းလမ်းတွေအားလုံးက မျက်နှာမှာဖြစ်မှလုပ်ရမှာ မဟုတ်ပါဘူး။ ခန္ဓာကိုယ်မှာဖြစ်လည်း လုပ်လို့ရပါတယ်။

Photo Source: www.freepik.com