အသက် ၂၀ အရွယ်ဆိုတာ မတည်ငြိမ်သေးတဲ့အရွယ်ပါပဲ။ ဒီလိုအချိန်မှာ အချစ်ရေးနဲ့ပတ်သတ်ပြီး အမှားအယွင်းမဖြစ်အောင် သတိထားဖို့လိုပါတယ်။ ဒါကြောင့် ပျိုမေတို့အတွက် အသက် ၂၀ အရွယ်မှာ အချစ်ရေးနဲ့ပတ်သတ်ပြီး ရှောင်ကြဉ်သင့်တဲ့အရာတချို့ကို ပြောပြပေးလိုက်ပါတယ်။
လက်မထပ်ပါနဲ့
အသက် ၂၀ အရွယ်က အရမ်းငယ်လွန်းပါတယ်။ ဘဝတက်လမ်းအတွက်လည်း ကြိုးစားလို့ကောင်းတဲ့အချိန်ပါ။ ဒီလိုအချိန်မှာ ရူးမိုက်ပြီးလက်ထပ်တာမျိုး မလုပ်ပါနဲ့။ ဒီအရွယ်က မတည်ငြိမ်သေးတဲ့အရွယ်မို့ လက်မထပ်သင့်ပါဘူး။
ပုံအောပြီးမချစ်ပါနဲ့
တစ်စုံတစ်ယောက်ကို ပုံအောချစ်ထားပြီးမှ ကွဲသွားခဲ့ရင် ကိုယ်ပဲအလူးအလဲခံစားရမှာပါ။ ဒီအရွယ်မှာ မတည်မြဲနိုင်သေးတဲ့အတွက် တစ်ခုခုဆို အရမ်း Serious မဖြစ်ပါနဲ့။ ကိုယ့်အတွက် ရှေ့ဆက်ရမယ့်အချိန်တွေ၊ တွေ့ရမယ့်လူတွေက အများကြီးရှိပါသေးတယ်။ ဘယ်သူ့ကိုမှလည်း အယုံမလွယ်ပါနဲ့။
အတတ်ပညာကိုဦးစားပေးပါ
ရည်းစားထားပြီး အချစ်ရေးအတွက် ခံစားနေမယ့်အစား အတတ်ပညာကို များများတက်ပါ။ တစ်ခုပြီးတစ်ခုတက်ပါ။ ဒီလို အရွယ်မှာတက်ထားမှ ကိုယ့်အတွက် တက်လမ်းရှိမှာပါ။ အသက် ၂၀ အရွယ်မှာ ပညာရေးကိုသေချာတစိုက်မတ်မတ်မလုပ်ပဲ အချစ်ရေးအတွက် ပူဆွေးနေရင် အသက်ကြီးလာတဲ့အခါ ရင့်ကျက်လာတဲ့အခါမှာ နောင်တရပါလိမ့်မယ်။
အလုပ်ကိုဦးစားပေးပါ
ဘာကြောင့်အလုပ်ကိုဦးစားပေးခိုင်းလဲဆိုရင်တော့ အသက် ၂၀ အရွယ်က တော်တော်များများ အလုပ်ရှာကြတဲ့အချိန်၊ အလုပ်ဝင်ကြတဲ့အချိန်ပါ။ ဒီလိုအချိန်မှာ အလုပ်ကို ဦးစားပေးပြီး ကိုယ့်အတွက်တိုးတက်အောင် လုပ်သင့်ပါတယ်။ ငယ်ရွယ်တုန်းမှာ ကြိုးစားထားမှ ကိုယ့်ဘဝအတွက် အာမခံချက်တစ်ခု ကောင်းကောင်းရမှာပါ။
ကတိမပေးပါနဲ့
အသက် ၂၀ အရွယ်မှာ စိတ်ကစားတာမျိုးဖြစ်လေ့ရှိပါတယ်။ စိတ်မတည်မြဲနိုင်သေးပါဘူး။ ဒါကြောင့် တစ်ခုခုဆို ကြိုကတိမပေးပါနဲ့။ စိတ်အလိုမလိုက်ပါနဲ့။
Photo Source: www.freepik.com
