အဝတ်လျှော်စက်နဲ့လျှော်တဲ့အခါမှာသင့်အဝတ်အစားကိုပျက်စီးစေနိုင်တဲ့အမှားများ

အဝတ်လျှော်စက်နဲ့လျှော်တဲ့အခါမှာ ဒီအမှားတွေကိုလုပ်မိရင် သင့်အဝတ်အစားတွေ ခဏလေးနဲ့ ပျက်စီးစုတ်ပြတ်သွားနိုင်ပါတယ်။ ဒါကြောင့် ကိုယ်လုပ်မိနေတာရှိရင်လည်း ပြင်လို့ရအောင် မျှဝေပေးလိုက်ပါတယ်။

အဝတ်လျှော်စက်နဲ့လျှော်ရင် အရောင်ရင့်တဲ့အဝတ်အစားတွေနဲ့ အရောင်နုတဲ့အဝတ်အစားတွေကို ရောမလျှော်ပါနဲ့။ အရောင်ရင့်တဲ့အဝတ်အစားကိုသပ်သပ်၊ အရောင်နုတဲ့အဝတ်အစားကိုသပ်သပ်၊ အဖြူရောင်အဝတ်အစားတွေကိုသပ်သပ် လျှော်ပါ။

ဆပ်ပြာကိုအများကြီးထည့်မလျှော်ပါနဲ့။ အဝတ်အစားတွေပျက်စီးစေပါတယ်။ ဆပ်ပြာများများထည့်မိရင်လည်း သေချာစင်သွားတဲ့အထိ ရေကိုခဏခဏလဲပေးရပါမယ်။

နူးညံ့တဲ့အဝတ်အစားတွေ၊ ဘော်လီ၊ ဘရာစီယာ၊ ဆွယ်တာ၊ ဆွဲသား စတဲ့ အဝတ်အစားတွေကို အဝတ်လျှော်စက်နဲ့လျှော်ရင် ခဏလေးနဲ့ ပျက်စီးစေတယ်။ စုတ်ပြတ်သွားစေပါတယ်။ ဒါတွေကို လက်နဲ့ပဲလျှော်တာ အကောင်းဆုံးပါ။