မိန်းကလေးပဲဖြစ်ဖြစ်၊ ယောင်္ကျားလေးပဲဖြစ်ဖြစ် လက်တွဲဖော်ရွေးတော့မယ့်ဆိုရင် ချစ်တာတစ်ခုထဲနဲ့ မရွေးချယ်သင့်ပါဘူးနော်။ ကိုယ့်ဘက်ကပဲချစ်နေလို့ မပြီးသေးပါဘူး။ သူ့ဘက်ကလည်းကောင်းမွန်တဲ့ အချက်တွေရှိဖို့လည်း လိုပါသေးတယ်။ ဒါကြောင့် ကိုယ့်ဘဝအတွက် ကောင်းမွန်တဲ့လက်တွဲဖော်ကို ရွေးတော့မယ်ဆိုရင် အရေးအကြီးဆုံးနဲ့ အဓိကကျတဲ့ ဒီအချက် (၃) ချက်ကို ထည့်သွင်းစဉ်းစားသင့်ပါတယ်နော်။

ကိုယ့်အပေါ် တကယ်ချစ်တဲ့သူ

ကိုယ့်ဘဝအတွက် ကောင်းမွန်တဲ့ လက်တွဲဖော်ရွေးတော့မယ်ဆိုရင် အရေးကြီးဆုံးက ကိုယ့်အပေါ် တကယ်ချစ်မြတ်နိုးတဲ့သူ ဖြစ်ရပါမယ်။ ကိုယ့်ဘက်ကအရမ်းချစ်လို့ ပိုင်ဆိုင်ချင်လို့ ရွေးချယ်လိုက်တာမျိုး မလုပ်ပါနဲ့။ သူ့ဘက်ကလည်း ချစ်မှ ပျော်ရွှင်ရမှာပါ။

ဘဝရည်မှန်းချက်၊ အာမခံချက်ရှိတဲ့သူ

ရည်းစားထားဖို့ရွေးတာဆိုရင်တော့ သိပ်အရေးမကြီးပေမယ့် ဘဝအတွက် လက်တွဲဖော်ကောင်းကို ရွေးမယ်ဆိုရင်တော့ ကိုယ်ရွေးချယ်ထားတဲ့သူက ဘဝရည်မှန်းချက်ရှိတဲ့သူ၊ ဘဝအာမခံချက်ရှိတဲ့သူ ဖြစ်ဖို့လိုပါတယ်။ ချစ်တာတစ်ခုထဲနဲ့ ပျော်စရာကောင်းတဲ့ဘဝတစ်ခုကို အပြည့်အဝမရနိုင်ပါဘူး။ ဒါကြောင့် မိန်းကလေးတွေဆို ပိုစဉ်းစားသင့်ပါတယ်။

ကိုယ်ထိလက်ရောက်မလုပ်တတ်တဲ့သူ

ရည်းစားဘဝမှာထဲက တစ်ခုခုဆို အရမ်းဒေါသကြီးပြီး ကိုယ်ထိလက်ရောက်လုပ်တတ်တဲ့သူ၊ ရိုက်နှက်တတ်တဲ့သူမျိုးဆိုရင် ဘဝလက်တွဲဖော်အဖြစ် မရွေးချယ်သင့်ပါဘူး။ ကိုယ့်ကို အပြည့်အဝ သူပိုင်ဆိုင်သွားတဲ့အခါမှာ ရည်းစားဘဝတုန်းကထက် ပိုဆိုးလာပါလိမ့်မယ်။ ဒါကြောင့် ဒီလို ကိုယ်ထိလက်ရောက် မလုပ်တတ်တဲ့သူကိုပဲ ရွေးချယ်ပါ။