တစ်ချို့သောနိူင်ငံတွေဟာ နယ်မြေခွဲခြားမူ၊ အစိုးရပြောင်းလဲမူ၊လွတ်လပ်ရေး၊ စစ်ရေးတွေကြောင့် နိုင်ငံနာမည်တွေကို ပြောင်းလဲခဲ့ကြပါတယ်။ တစ်ချို့နိုင်ငံတွေက နာမည်ပြောင်းတဲ့ကိစ္စရပ်ကို အရင်ကတည်းက လုပ်ခဲ့ကြပြီး လူတွေကလည်း နာမည်အသစ်ကိုပဲ ခေါ်ဝေါ်သုံးစွဲလျက်ရှိပါတယ်။

ဒါပေမယ့် တစ်ချို့နိုင်ငံတွေကျတော့ မကြာသေးခင်ကမှ နာမည်ပြောင်းခဲ့ကြတာကြောင့် လူတွေအတွက် နာမည်အသစ်နဲ့ရင်းနှီးဖို့ အချိန်ပေးရဦးမှာပါ။ နာမည်အဟောင်းကိုပဲ လူတွေက ပိုပြီးအသုံးပြုကြတာကိုတွေ့ရပါတယ်။

ယခု နယ်သာလန် (Netherlands) – ယခင် ဟော်လန် (Holland)

နယ်မြေအားလုံး စုစုစည်းစည်းဖြစ်ဖို့အတွက် တောင်ဟော်လန်၊ မြောက်ဟော်လန် လို့ မခေါ်တော့ဘဲ နယ်သာလန်ဟူ၍ ဇန်နဝါရီလ ၂၀၂၀ ခုနှစ်က စပြီး စတင် ပြောင်းလဲ သတ်မှတ်ခေါ်ဝေါ်ခဲ့ပါတယ်။ နိုင်ငံနာမည်ပြောင်းလဲခဲ့ခြင်းကြောင့် ဘောလုံးအသင်းနာမည်တွေအပြင် တခြားနာမည်များစွာ ပြောင်းလဲမှု ပြုလုပ်ခဲ့ကြရပါတယ်။

ယခု သီရိလင်္ကာ – ယခင် Ceylon

ယခု သီရိလင်္ကာ ဟု ခေါ်ဆိုနေကြတဲ့ နိူင်ငံဟာ ယခင်က Ceylon ဟူ၍ ခေါ်ဆိုခဲ့ကြတာပါ။ ဒီနာမည်ကိုတော့ ပေါ်တူဂီတွေက (၁၅၀၅) ခုနှစ်မှာ ပေးခဲ့တာဖြစ်ပါတယ်။

နောက်ပိုင်းမှာ ဗြိတိသျှအင်ပါယာထဲ သွတ်သွင်းခံခဲ့ရပြီး (၁၉၄၈) ခုနှစ်လွတ်လပ်ရေးရသွားတော့မှ အစိုးရကနေပြီး သီရိလင်္ကာ လို့ နာမည်ပြောင်းလဲခဲ့ကြပါတယ်။ (၂၀၁၁) ခုနှစ်ကနေစပြီးတော့ Ceylon ကုမ္ပဏီများ ကုမ္ပဏီနာမည်တွေ အကုန်ပြောင်းလဲခဲ့ကြရပါတယ်။

ယခု မြန်မာ – ယခင် Burma

(၁၉၈၉) ခုနှစ် စစ်အစိုးရလက်ထက်တွင် Burma လို့ ခေါ်ဝေါ်နေရာမှ မြန်မာဟူ၍ ပြောင်းလဲခဲ့ပါတယ်။ ဒါပေမယ့် အနောက်နိုင်ငံတော်တော်များများကတော့ မြန်မာနိူင်ငံကို ဘားမား ဟု ခေါ်ဝေါ်ရေးသားနေကြဆဲပါ။

ယခု ထိုင်း (Thailand) – ယခင် ဆိုင်ယမ်

ယခင် ဆိုင်ယမ် ဟု လူသိများသော ထိုင်းနိုင်ငံကို (၁၉၃၉) ခုနှစ်တွင် ထိုင်းဘုရင်တစ်ပါးက Thailand ဟူ၍ ပြောင်းလဲသက်မှတ်ခဲ့တာပါ။ ထိုင်းလူမျိုးတွေရဲ့ဘာသာစကားအရ Prathet Thai ဟူ၍ဖြစ်ပြီး “လွတ်လပ်သောလူတွေရဲ့နိုင်ငံ” လို့ အဓိပ္ပာယ်ရပါတယ်။

ယခု အိုင်ယာလန် – ယခင် လွတ်လပ်သော အိုင်းရစ်ရှ်လူမျိုးတို့ရဲ့ နယ်မြေ

အိုင်ယာလန် နိူင်ငံဟာ UK ရဲ့လွှမ်းမိုးမူတွေကနေ လုံးဝစွာ ရုန်းထွက်ဖို့အတွက် ယခင် လွတ်လပ်သော အိုင်းရစ်ရှ်လူမျိုးတို့ရဲ့ နယ်မြေဟု ခေါ်တွင်ခဲ့သော နိုင်ငံနာမည်ကို (၁၉၃၇) ခုနှစ်တွင် အိုင်ယာလန် ဟူ၍ ပြောင်းလဲ ခေါ်ဝေါ်ခဲ့ကြပါတယ်။