တချို့သူတွေက ခေါင်းလျှော်ပြီး တစ်ရက်တောင်မရှိသေးဘူး ခေါင်းကအဆီပြန်နေပြီး ဆံပင်တွေက ရှုပ်ထွေးနေပြီဆိုပြီး မကြာခဏဆိုသလို ခေါင်းလျှော်လေ့ရှိကြပါတယ်။

ခေါင်းကို တစ်နေ့ခြား တခါလျှော်တာထက် ၂ ရက်ခြား တစ်ခါ ၃ ရက်ခြားတစ်ခါ လျှော်သင့်ပါတယ်။ အဲဒီလိုခေါင်းကို ခဏခဏ မလျှော်ရစေဖို့ နည်းလမ်းကောင်းတွေကို မျှဝေပေးပါမယ်။

ရေနွေးသုံးပါ

ခေါင်းလျှော်တဲ့အခါမှာ ကျိုထားတဲ့ ရေနွေးနဲ့ ရေအေးရောပြီး နွေးနွေးလေး လျှော်ပေးပါ။

ခေါင်းကို ခဏခဏ မဖြီးပါနဲ့

ခေါင်းကို ခဏခဏ ဖြီးတာ ဆံပင်ခဏခဏ လက်နဲ့ ကိုင်တာတွေဟာ သင့်ရဲ့ ဆံကေသာကို ထိခိုက်ပျက်စီးစေပါတယ်။ တစ်နေ့ကို ၂ ကြိမ် အများဆုံး ၃ ကြိမ်ထက်ပိုပြီးခေါင်းမဖြီးသင့်ပါဘူး။

သဘာဝဆန်ဆန်ပဲနေပါ

ခေါင်းခဏခဏ မလျှော်ရစေဖို့ နည်းလမ်းကောင်းတွေ

ဆံပင်ကို အရမ်း ပုံသွင်းတာမျိုး မဟုတ်ဘဲ သဘာဝဆန်ဆန်ပဲ ပြင်ဆင်ကြည့်ပါ။ ကော်တွေ၊ စပရေးတွေ မဖြန်းဘဲ သဘာဝအတိုင်းလေးပဲ ထားပါ။

သဘာဝခေါင်းလျှော်ရည်သုံးပါ

သဘာဝခေါင်းလျှော်ရည်ကို သုံးပေးပါ။ ခေါင်းလျှော်ရည်ကို အများကြီးထည့်တာမျိုးမဟုတ်ဘဲ တော်ရုံသင့်ရုံပဲထည့်ပေးပါ။

အပူချိန်ကိုလျှော့သုံးပါ

ဆံပင်ပုံသွင်းစက်တွေ သုံးတဲ့အခါမှာ အပူချိန်ကို လျှော့ပြီး သုံးပေးပါ။ ဦးရေပြားကိုလည်း ကာကွယ်ပေးပြီးသားဖြစ်ပါတယ်။ အပူချိန်မြင့်မြင့်နဲ့လုပ်ရင် အဆီထုတ်တဲ့ ဂရင်းကို လှုပ်ဆော်ပေးလို့ သင့်ဆံပင်ကို မြန်မြန်အဆီပြန်စေပါတယ်။

ခေါင်းကို နှိပ်ပေးပါ

ဦးရေပြားပေါ်ကဆဲလ်သေတွေ၊ အညစ်အကြေးတွေသန့်စင်ဖို့အတွက် ရေမချိုးခင် ဦးရေပြားကို နှိပ်နယ်ပေးပါ။

ခေါင်းအုံးအစွပ်ကို မကြာခဏ လဲပေးပါ

ခေါင်းအုံးအစွပ်ကိုမကြာခဏလဲပေးတာဟာ ဆံပင်မှာ ဘက်တီးရီးယားပိုးတွေ ကပ်ညှိတာကို ကာကွယ်ပေးပါတယ်။ ဆံပင်အလွယ်တကူ ညစ်ညမ်းသွားတာမျိုးကိုလည်း မဖြစ်အောင် ကူညီပေးပါတယ်။

အရမ်းအေးတဲ့အခါ (သို့ ) အရမ်းပူတဲ့အခါ ဦးထုပ်ဆောင်းပါ

အပြင်က ရာသီဥတုအရမ်းအေးတာ (သို့) နေပူတဲ့အခါမှာ ဦးထုပ်ဆောင်းပေးတာမျိုးလုပ်ပါ။ အသားအရေကို ကာကွယ်သလို ဆံပင်ကို ကာကွယ်သင့်ပါတယ်။ မဟုတ်ရင် ဆံသားခြောက်သွေ့ပြီး ချွေးထွက် အဆီပြန်စေလို့ မကြာခဏ ခေါင်းလျှော်ရလေ့ရှိပါတယ်။