အဝတ်အစား ဝတ်တဲ့နေရာမှာ အခြေအနေ အချိန်အခါအလိုက် ရွေးချယ် ဝတ်ဆင်နိုင်ဖို့ အရေးကြီးပါတယ်။ မဟုတ်ရင် ဘယ်လောက်ပဲ ဖက်ရှင်ကျနေပါစေ သင့်ကိုယ်သင် မလုံမခြုံ ခံစားရစေနိုင်ပါတယ်။ ဒီတစ်ခေါက်မှာတော့ လူအများ လေးစားရတဲ့ အခန်းကဏ္ဍမှာ ပါဝင်နေသူတွေ၊ လုံလုံခြုံခြုံ ဝတ်ရတာ နှစ်သက်သူတွေ၊ စမတ်ကျကျ နေထိုင်ချင်သူတို့ အတွက် ဝတ်ဆင်ပုံ ဖက်ရှင်တွေကို ဖော်ပြပါရစေ။
တည်တည်ငြိမ်ငြိမ် စမတ်ကျနိုင်ဖို့အတွက် Style Pants ကတော့ မရှိမဖြစ်ပါပဲ။
Style Pants ရွေးတဲ့နေရာမှာ Nude Color, Black Color, Brown Color, Pale Blue Color စတဲ့ ဘောင်းဘီအရောင်တွေက အင်္ကျီအဝတ်အစားတိုင်း လိုလိုနဲ့ လိုက်ဖက်ပါတယ်။
ဒါ့အပြင် ထပ် ရွေးချယ်သင့်တဲ့ အဝတ်အစားကတော့ လက်ရှည် ရှပ်အင်္ကျီပါ။ လက်ရှည်ကို ခေါက်ဝတ်လိုက်တဲ့အခါ သင့်ကို ပေါ့ပေါ့ပါးပါးနဲ့ စမတ်ကျစေပါလိမ့်မယ်။
ဘောင်းဘီအပွ အရှည်နဲ့ လ်ိုက်ဖက်တဲ့ အပေါ်အင်္ကျီကတော့ Crop Top တွေပါ။ Crop Top ကိုမှ တီရှပ် ခါးတိုလေးတွေက အထက်တန်းဆန်ဆန် လှနေစေပါလိမ့်မယ်။
အပြင်ထပ် Blazer ကလည်း သင့်ကို ပိုစတိုင်ကျကျ ဖြစ်စေပါတယ်။
ဒဲ့သွား စကပ်ရှည် တွေကလည်း အပေါ်ထပ် ရှပ်အင်္ကျီနဲ့ လိုက်ဖက်ပါတယ်။
သင်က အပြင်ထပ်တွေ ပူလွန်းတာကြောင့် မဝတ်ချင်ရင် ဘောင်းဘီအပွနဲ့ တီရှပ်အဖြူ ရှိရုံနဲ့တင် လုံလောက်ပါတယ်
ခါးပတ်ပတ်လိုက်ရင်လည်း တစ်မျိုး ကြည့်ကောင်းနေပြန်ပါတယ်။
စမတ်လည်း ကျချင်တယ် Cute ဘက်ကိုလည်း သွားချင်တယ်ဆိုရင် အင်္ကျီလက်ဖောင်း အပွလေးက သင်နဲ့ သင့်တော်ပါတယ်။
ဘောင်းဘီအပွနဲ့အတူ လက်ပြတ်အင်္ကျီကို Tuck ဝတ်တဲ့အခါလည်း လှနေဦးမှာပါ။
Photo Source: Pinterest
By MyStyle Myanmar
