အဆီပြန်တဲ့ အသားအရည်ရှိသူတွေဟာ ဝက်ခြံပေါက်ဖို့ ပိုလွယ်တဲ့ အသားအရည်ပိုင်ရှင်တွေဖြစ်ကြပါတယ်။ အရေပြားကထွက်တဲ့ အဆီနဲ့ ချွေးတွေဟာပြင်ပကလာတဲ့ ဖုန်မှုန့် ၊ အညစ်အကြေး နဲ့ ဘက်တီးရီးယားတွေ ပေါင်းစပ်လိုက်တဲ့အခါမှာတော့ မျက်နှာပေါ်မှာ ဝက်ခြံတွေဟာ ပုံစံမျိုးစုံ ထွက်ပေါ်လာကြပါတော့တယ်။

အဆီပြန်ခြင်းကို ထိန်းချုပ်ပေးတဲ့ မျက်နှာသစ်ဆေးကို သုံးပါ

Source: Pond5

မျက်နှာအဆီပြန်တတ်သူတွေအတွက် သီးသန့်ထုတ်လုပ်ထားတဲ့ မျက်နှာသစ်ဆေးကို နေ့စဉ်မှန်မှန် မျက်နှာသစ်ပေးသင့်ပါတယ်။ ဒီမျက်နှာသစ်ဆေးရည်တွေဟာ ချွေးပေါက်တွေရဲ့ အတွင်းပိုင်းထိ သန့်စင်ပေးနိုင်ပြီး အဆီထွက်နှုန်းကို ထိန်းချုပ်နိုင်တဲ့အတွက် အလွန်အကျွံအဆီပြန်တာတွေ မဖြစ်နိုင်တော့ပါဘူး။

Alcohol Free Toner သုံးပေးပါ

မျက်နှာကို မျက်နှာသန့်စင်ဆေးရည်နဲ့ သစ်ပြီးသွားပြီဆိုရင်တော့ အသားအရည်ရဲ့ PH Level ကို ထိန်းညှိပေးနိုင်တဲ့ အယ်လ်ကိုဟောမပါဝင်တဲ့တိုနာ ကို အသုံးပြုပေးရပါမယ်။

Sunscreen လိမ်းပါ

Toner အသုံးပြုပြီး မျက်နှာကို နှစ်ထပ်ကွမ်း သန့်စင်ပြီးသွားပြီဆိုရင် နေရောင်ကာ Sunscreen လူးပေးသင့်ပါတယ်။ နေလောင်ဒဏ်ကို ကာကွယ်နိုင်ဖို့အတွက် SPF 30 အဆင့်လောက်ရှိတဲ့ Gel Based Sunscreen ကို သုံးပေးပါ။

Moisturizer လိမ်းပါ

နောက်ဆုံးအဆင့်အနေနဲ့ လိမ်းပေးသင့်တာကတော့ Moisturizer ပါ။ Moisturizer သုံးရမယ်ဆိုပေမယ့် အဆီပြန်တဲ့ အသားအရည်ပိုင်ရှင်တွေအနေနဲ့ Moisturizer ရွေးချယ်တဲ့အခါမှာ ထူထဲပျစ်ချွဲတဲ့ အမျိုးအစားမဖြစ်အောင် အထူးဂရုပြု ရွေးချယ်ကြဖို့ မှာချင်ပါတယ်။

အဆီပြန်တတ်သူတွေအတွက် အကောင်းဆုံး ပေါင်းတင်နည်း

သဘောၤသီးအတွင်းသား ပျော့ပျော့ လက်ဖက်ရည်ဇွန်း ၂ ဇွန်း ၊ ဒိန်ချဉ်လက်ဖက်ရည်ဇွန်း ၁ ဇွန်း နဲ့ ရှားစောင်းလက်ပတ်အနှစ် ၁ အောင်စကို ကောင်းကောင်းသမအောင် ရောမွှေပေးပါ။ သမသွားပြီဆိုရင်တော့ လာဗင်ဒါအဆီကို အနည်းငယ်ထည့်ပြီး ထပ်မံရောမွှေပါ။ ပြီးရင်တော့ မျက်နှာပေါ် ၅ မိနစ်ခန့် ပေါင်းတင်ပေးထားပါ။

သဘောၤသီးက နေလောင်ဒဏ်ကို ကာကွယ်ပေးနိုင်ပြီး ဒိန်ချဉ်ကတော့ မှဲ့ခြောက်တွေကို လျော့ပါးစေပါတယ်။ ရှားစောင်းလက်ပတ်ကတော့ အသားအရေကို ချောမွေ့စေတဲ့ ဂုဏ်သတ္တိရှိပြီး လာဗင်ဒါကတော့ အသားအရေကို ပြန်လည် နုပျိုလာစေပါတယ်။