ဘဝမှာ အချစ်ကြောင့် တစ်ခါတော့ အသည်းကွဲရတတ်ပါတယ်။ အသည်းလည်းကွဲသင့်ပါတယ်။ အသည်းကွဲတာဟာ တစ်နည်းအားဖြင့်တော့ သင့်ကိုပိုပြီးရင့်ကျက်စေတာပါ။
အသည်းကွဲပြီးတဲ့နောက် ကိုယ့်ဘဝမှာ ဘာတွေသိလိုက်ရသလဲ။ ဘာတွေရလိုက်သလဲဆိုတာကို မျှဝေပေးပါမယ်။
၁။ သင်ဘယ်လောက်စိတ်ဓာတ်ကြံ့ခိုင်လဲဆိုတာ သိသွားတယ်။
အသည်းကွဲပြီးသွားလို့ တစ်ယောက်တည်း ရပ်တည်ဖို့ ကြိုးစားတဲ့အချိန်မှာ သင်ဟာ ဘယ်လောက်ကြံ့ခိုင်တယ်။ ဘယ်လောက်တော်တဲ့သူတစ်ယောက်ဖြစ်တယ်၊ ဘယ်လောက်တန်ဖိုးရှိတယ်သူဖြစ်တယ်ဆိုတာ သင်သိသွားတယ်။ ကိုယ့်ဘဝမှာ တခြားသူတစ်ယောက်မရှိလည်း သင်ပျော်ရွှင်နိုင်တယ်။ ဘဝဟာ တန်ဖိုးရှိသေးတယ်ဆိုတဲ့အကြောင်း သိနားလည်သွားတယ်။
၂။ လက်တွေ့ဘဝကို ရင်ဆိုင်ဖို့၊ ခွင့်လွင့်ဖို့နဲ့ ဘဝကိုရှေ့ဆက်ဖို့ နားလည်သွားတယ်။
Source: mumsmakelists.com
သင့်အတွက် ကောင်းမွန်တယ်၊ ကြီးမားတယ်၊ တန်ဖိုးရှိတယ်လို့ တွေးထားတဲ့အရာတွေ အားလုံး ပြီးဆုံးသွားပြီလို့ ထင်မိပေမယ့် လက်တွေ့ဘဝကို ရင်ဆိုင်နိုင်ဖို့၊ ရက်စက်ခဲ့သူကို ခွင့်လွှတ်နိုင်ဖို့၊ ဘဝကို ရှေ့ဆက်ဖို့ သင်နားလည်သွားမယ်။
၃။ သင်အလုပ်တွေကို အများကြီးလုပ်နိုင်တယ်ဆိုတာ။
စိတ်ကိုရော ခန္ဓာကိုယ်ကိုရော အနားမပေးဘဲ အလုပ်ကို ကြိုးစားလုပ်တာဟာ နာကျင်ရသက်သာပြီး ခံစားရတာလည်း သက်သာစေပါတယ်။ သင်ဝါသနာပါတဲ့သင်တန်းတွေတက်မယ်။ သူငယ်ချင်းဟောင်းတွေနဲ့ ပြန်တွေ့မယ်။ လေ့ကျင့်ခန်းပိုလုပ်ဖြစ်မယ်။ ဒါဆို နှလုံးသားက ဒဏ်ရာတွေ တဖြည်းဖြည်း သက်သာလာပြီး သင့်ဘဝပိုကောင်းမွန်သွားမယ်။
၄။ သင့်ပတ်ဝန်းကျင်မှာလည်း ပျော်စရာတွေပြည့်နေတယ်ဆိုတာ သင်သိသွားမယ်။
အသည်းကွဲပေမယ့် သင်ဆက်ပြီး ပြုံးနိုင်ရယ်နိုင်အောင် သင့်ပတ်ဝန်းကျင်ကလူတွေက ဖေးမပေးတယ်ဆိုတာ သင်သိသွားမယ်။ သူငယ်ချင်းတွေနဲ့ အတူတူလည်မယ်၊ ဟာသကားတွေကြည့်မယ်။ ဟာသဝတ္တုတွေဖတ်မယ်။ သူမရှိလည်း သင့်မှာ ပျော်စရာတွေရှိတယ်ဆိုတာ သင်နားလည်သွားမယ်။
၅။ Single ဖြစ်ရတာ ဂုဏ်ယူတတ်သွားမယ်။
Single ဖြစ်ရတာ ဘယ်လောက်လွတ်လပ်ပြီး ပျော်စရာကောင်းတယ်ဆိုတာ သင်နားလည်သွားမယ်။ ဂုဏ်ယူတတ်သွားမယ်။
