အားလုံးပဲ မင်္ဂလာပါ။ သီချင်းချစ်သူ ပရိတ်သတ်တွေဆိုရင်တော့ အသံအောအောနဲ့ မိန်းကလေးတွေ အားကျစရာကောင်းလောက်တဲ့ အရပ်၊ ခန္ဓာကိုယ်အချိုးအစားတို့ ပိုင်ရှင် Dua Lipa ကို သေချာပေါက် ရင်းနှီးကြမှာပါ။
အသက် ၁၄ နှစ်အရွယ်ကတည်းက YouTube ပေါ်မှာ တခြားအဆိုတော်တွေရဲ့ သီချင်းတွေကို Cover ပြန်သီဆိုလေ့ရှိပြီး ၂၀၁၅ ခုနှစ်မှာ Warner Music Group နဲ့ စာချုပ်ချုပ်ဆိုခဲ့ပြီး မကြာခင်ပဲ သီချင်းထွက်ရှိခဲ့ပါတယ်။
သူမရဲ့ မွေးနေ့ကတော့ ၁၉၉၅ ခုနှစ် ဩဂုတ်လ ၂၂ ရက်နေ့ဖြစ်ပြီး လန်ဒန်မြို့မှာ မွေးဖွားခဲ့သူပါ။ လက်ရှိ အသက် ၂၇ နှစ်ရှိပြီဖြစ်တဲ့ သူမရဲ့ လူအသိများဆုံး တေးသီချင်းတွေကတော့ New Rules, IDGAF, Kiss and Makeup, One Kiss, Scared to be Lonely စတာတွေပဲဖြစ်ပါတယ်။
အရပ်အမြင့် ၅ ပေ ၈ လက်မ ရှိတဲ့ ဒေါင်ကောင်းကောင်းနဲ့ ဖက်ရှင်ကျကျ ဝတ်စားဆင်ယင်တတ်တဲ့ Dua Lipa ရဲ့ အလန်းစား လမ်းပေါ်ထွက်ဖက်ရှင်တွေကို သူမရဲ့ ပရိတ်သတ်တွေအတွက် ဝေမျှပေးလိုက်ရပါတယ်။
