မိန်းကလေးတိုင်းရဲ့အလှအပရေးရာအတွက် သံပရိုသီးကို အသုံးပြုပေးနိုင်မယ့်အချက်လေးတွေ

မိန်းကလေးတွေအနေနဲ့ သံပရိုသီးတစ်လုံးရှိနေရင် အလှအပရေးရာအတွက် အရမ်းအသုံးဝင်စေပါတယ်။ ဒါကြောင့် မိန်းကလေးတိုင်းရဲ့အလှအပရေးရာအတွက် သံပရိုသီးကို အသုံးပြုပေးနိုင်မယ့်အချက်လေးတွေကို ဖော်ပြပေးလိုက်ပါတယ်။

သံပရိုသီးကိုအခွံခွာပြီးရလာတဲ့အခွံကို ပျိုမေတို့ရဲ့သွားမှာ ၂ မိနစ်လောက် ပွတ်တိုက်ပေးမယ်ဆိုရင်တော့ သွားတွေဖြူဖွေးလာစေမှာပါ။

Source: www.thealternativedaily.com

ပျိုမေတို့ရဲ့မျက်နှာမှာရှိနေတဲ့ ဝက်ခြံတွေ သက်သာပျောက်ကင်းစေဖို့ ပျားရည် – စားပွဲတင်ဇွန်းတစ်ဇွန်းကို သံပရိုရည် – အနည်းငယ်နဲ့ရောမွှေပြီး မျက်နှာမှာလိမ်းပေးလိုက်မယ်ဆိုရင်တော့ မျက်နှာပေါ်မှာရှိတဲ့ဝက်ခြံတွေ သက်သာပျောက်ကင်းသွားတာကိုတွေ့ရမှာပါ။

Source: www.livestrong.com

ပျိုမေတို့ရဲ့နှုတ်ခမ်းသားလေးတွေ ခြောက်သွေ့နေရင်တော့ သကြား – အနည်းငယ်ကို သံပရိုရည် – အနည်းငယ်နဲ့ရောကာ နှုတ်ခမ်းမှာပွတ်လိမ်းပြီး Scrub လုပ်ပေးလိုက်ပါ။

Source: www.nubianssecret.com

ဒူးဆစ်၊ တံတောင်ဆစ် မဲနေတဲ့နေရာမှာလည်း သံပရိုသီးကိုအသုံးပြုပေးလို့ရပါတယ်။ သံပုရိုသီးတစ်လုံးကိုဂွမ်းဖတ်လေးပေါ် အရည်ညှစ်ချပြီး အဲ့ဒီဂွမ်းဖတ်လေးနဲ့ မဲနေတဲ့ဒူးဆစ်၊ တံတောင်ဆစ်နေရာတွေမှာ ပွတ်လိမ်းပေးမယ်ဆိုရင်တော့ ဖြူလာစေပါတယ်။

Source: www.aljamila.com

ကြမ်းတမ်းနေတဲ့ခြေထောက်လေးတွေ နူးညံ့လာစေဖို့ ဇလုံတစ်လုံးထဲကိုရေအေးထည့်ပြီး ရေနွေး – တစ်ခွက်စာနဲ့ သံပရိုရည် အနည်းငယ်တို့ထည့်ကာ ခြေထောက်ကိုစိမ်ထားပေးပါ။ ခြေထောက်လေးတွေ နူးညံ့လာတာကိုတွေ့ရပါလိမ့်မယ်။

Source: www.juicing-for-health.com

ပျိုမေတို့ရဲ့ခေါင်းပေါ်မှာရှိတဲ့ဗောက်တွေ သက်သာပျောက်ကင်းစေဖို့ ပန်းကန်လုံးထဲကို အုန်းဆီ – လက်ဖက်ရည်ဇွန်း ၂ ဇွန်းနဲ့ သံပရိုရည် – လက်ဖက်ရည်ဇွန်း ၁ ဇွန်းစာထည့်ပြီး မွှေပေးပါ။ ပြီးရင်တော့ ဦးရေပြားမှာပွတ်လိမ်းပြီး မိနစ် အနည်းငယ်လောက် ဆံပင်ကိုပေါင်းထားပေးပါ။ ရေနဲ့ဆေးချလိုက်တာနဲ့ ဗောက်တွေသက်သာပျောက်ကင်းသွားတာကို တွေ့ရမှာပါ။

Source: www.bigbasket.blog

ဂျိုင်းမှာရှိနေတဲ့ ဘတ်တီးရီးယားတွေနဲ့ ဂျိုင်းချွေးနံ့တွေ သက်သာပျောက်ကင်းစေဖို့ဆိုရင်တော့ သံပရိုသီးကို ဂွမ်းဖတ်လေးပေါ် အရည်ညှစ်ချပါ။ ပြီးရင်တော့ အဲ့ဒီဂွမ်းဖတ်လေးနဲ့ ဂျိုင်းမှာသုတ်ပေးလိုက်ရုံပါပဲ။