အဝတ်အစားနဲ့ Accessories တွေကို ဖက်ရှင်ကျအောင်တွဲဖက်ဝတ်ဆင်နိုင်မယ့်အိုင်ဒီယာများ

မိန်းကလေးတွေအတွက် ကိုယ်ဝတ်မယ့်အဝတ်အစားနဲ့ accessories တွေကို ဖက်ရှင်ကျအောင်၊ လိုက်ဖက်အောင် တွဲဖက်ဝတ်ဆင်နိုင်မယ့် အိုင်ဒီယာတွေကို မျှဝေပေးလိုက်ပါတယ်။

ခါးပတ်အသေးလေးတွေကို ရွေးချယ်မယ်ဆိုရင်တော့ ကိုယ်ဝတ်ထားတဲ့ dress က ရှုပ်ယှက်ခတ်နေတာမျိုး မဖြစ်ပါစေနဲ့။ ခါးပတ်ပျောက်သွားစေပါတယ်။ ဗြောင်လေးတွေမှာပတ်ရင် ပိုပြီးတော့လှပါတယ်။

ခါးပတ်အကြီးကြီးတွေကို ရွေးချယ်မယ်ဆိုရင်တော့ ကိုယ်ဝတ်ထားတဲ့ အဝတ်အစားက ဗြောင်ဖြစ်နေရင် အရမ်းကြီးထင်းပြီး မလှတော့ပါဘူး။

စကပ်အရှည်လေးတွေ၊ ဂါဝန်အရှည်လေးတွေဆိုရင်တော့ ဒေါက်မြင့်ဖိနပ် တော်တော်များများနဲ့ လိုက်ဖက်ပါတယ်။ စကပ်အတိုလေးတွေဝတ်မယ်ဆိုရင်တော့ boots လေးတွေနဲ့ ပိုပြီးလိုက်ဖက်ပါတယ်။ စကပ်အတိုလေးကို ဒေါက်ဖိနပ်အမြင့်ကြီးနဲ့ဆို ကြည့်ရတာ ဖိနပ်သပ်သပ်၊ လူသပ်သပ်လိုမျိုး ဖြစ်နေစေပါတယ်။

လက်ဝတ်ရတနာတွေနဲ့ ပုဝါလေးတွေက အရမ်းအသုံးဝင်ပါတယ်။ အမာရွတ်ရှိရင်တောင်မှ အဲ့ပစ္စည်းလေးတွေကို ဖက်ရှင်ကျကျလေးဝတ်စားပြီး ဖုံးလို့ရပါတယ်။

Accessories တွေကို ဆင်မြန်းတဲ့အခါမှာ ကိုယ်ဝတ်ထားတဲ့အဝတ်အစားက ဗြောင်ဆိုရင် ကာလာစုံတာလေးတွေ၊ ရှုပ်တဲ့ဒီဇိုင်းလေးတွေကို ဆင်လို့ရပါတယ်။ ကိုယ်ဝတ်ထားတဲ့အဝတ်အစားက ဒီဇိုင်းရှုပ်တယ်ဆိုရင်တော့ accessories ကို ရှင်းတာမျိုးလေးတွေပဲ ဝတ်ပေးပါ။