ဝက်ခြံသမားတွေအတွက် အရိုးရှင်းဆုံး Skincare လိမ်းနည်းအဆင့်များ

ဘယ်လိုအသားအရေမျိုးမဆို Skincare လုပ်လေ့မရှိတဲ့သူကတော့ ဘာမှမဖြစ်ပေမယ့် Skincare လုပ်စရှိတဲ့သူကျတော့ မလုပ်တော့ရင် အသားအရေပြဿနာတွေ တစ်ခုပြီးတစ်ခု ဖြစ်လာတတ်ပါတယ်။ အထူးသဖြင့် ဝက်ခြံသမားတွေမှာ ပိုပြီးတော့ ဂရုစိုက်ပေးရပါတယ်။ Skincare လည်းလုပ်ချင်ပေမယ့်၊ သုံးချင်ပေမယ့် သူများတွေလို အများကြီးလည်း မသုံးနိုင်ဘူး။ အများကြီးလည်း မလိမ်းချင်ဘူးဆိုတဲ့ ဝက်ခြံသမားတွေအတွက် အရိုးရှင်းဆုံး Skincare လိမ်းနည်းအဆင့်တွေကို ပြောပြပေးလိုက်ပါတယ်။

Cleansing

မနက်ပိုင်းမှာ မျက်နှာသစ်ဆေးနဲ့ပဲ မျက်နှာသစ်ပါ။ ညပိုင်းရောက်ရင်တော့ Makeup Remover နဲ့ မျက်နှာပေါ်က အညစ်အကြေးတွေကို အရင်သန့်စင်ပြီးမှ မျက်နှာသစ်ဆေးနဲ့ သစ်ပါ။

Toner

Toner ကတော့ အခြေခံအဆင့်ပါနဲ့။ မျက်နှာသစ်ပြီးရင် သုံးကိုသုံးရပါမယ်။ ဝက်ခြံသမားတွေကတော့ Whitening ပါတဲ့ Toner မျိုး မသုံးပါနဲ့။

Essence

ဝက်ခြံတင်မဟုတ်ဘူး၊ အဆီပြန်ပြီး အဆီဖုပါ ထွက်တတ်တယ်ဆိုရင်တော့ Essence သုံးပေးပါ။ ဝက်ခြံသမားက Serum သုံးတာထက်စာရင် Essence သုံးပေးတာ ပိုကောင်းပါတယ်။

Moisturizer

Moisturizer ရွေးတဲ့နေရာမှာ ဝက်ခြံသမားတွေ စိတ်ချလက်ချသုံးလို့ရတဲ့ Moisturizer မျိုး၊ ဝက်ခြံတွေသက်သာသွားအောင် ကူညီပေးနိုင်တဲ့ Moisturizer မျိုးကို သုံးပေးပါ။

Acne Treatment

အပေါ်ကအဆင့်တွေ အားလုံးလုပ်ပြီးပြီ၊ လိမ်းပြီးပြီဆိုရင် Acne Treatment ကိုသုံးပေးပါ။ ဝက်ခြံပေါက်တဲ့နေရာမှာ Acne Treatment လိမ်းပေးခြင်းက ဝက်ခြံတွေ သက်သာစေလို့ ဝက်ခြံသမားတွေအတွက်တော့ မရှိမဖြစ်ပါပဲ။