ဆားဝက်ခြံတွေ အများဆုံးပေါက်တဲ့နေရာကတော့ နှာခေါင်းပါပဲ။ ညှစ်ရင်လည်း ချွေးပေါက်တွေကျယ်ပြီး ပြန်ဖြစ်လာတာပါပဲ။ ဒါကြောင့် ဆားဝက်ခြံတွေကို ဖယ်ရှားပေးနိုင်မယ့် ရိုးရှင်းသော Home Remedies တွေကို ပြောပြပေးလိုက်ပါတယ်။

Tea Tree Oil

Tea Tree Oil – ၂ စက်၊ ၃ စက်လောက်ကို တခြား Carrier Oil တစ်ခုခု ဥပမာ – အုန်းဆီဖြစ်ဖြစ်၊ သံလွင်ဆီဖြစ်ဖြစ် နည်းနည်းရောပြီး ဆားဝက်ခြံရှိတဲ့နေရာကို ပွတ်လိမ်းထားပြီး မိနစ်ပိုင်းလောက် ထားပေးပါ။ ပြီးရင် Cotton Pad နဲ့ ပွတ်ချပြီး ရေနဲ့ပြန်သန့်စင်ပါ။ ဒီနည်းလမ်းကို လုပ်မယ်ဆိုရင် တစ်နေ့ကို ၂ ကြိမ် ပုံမှန်လုပ်ပေးရပါမယ်။

ရှားစောင်လက်ပတ်ဂျယ်လ်

ရှားစောင်လက်ပတ်ဂျယ်လ်ကို လက်ဖက်ရည်ဇွန်းတစ်ဝက်စာ ခြစ်ယူပြီး ဆားဝက်ခြံရှိတဲ့နေရာကို ပွတ်လိမ်းပေးပါ။ ပြီးရင် တစ်ညထားပြီး မနက်ရောက်မှ မျက်နှာသစ်လိုက်ပါ။ ဒီနည်းလမ်းကို လုပ်မယ်ဆိုရင်တော့ နေ့တိုင်း တစ်နေ့ တစ်ကြိမ် ပုံမှန်လုပ်ပေးရပါမယ်။

ပျားရည်

Cotton Pad ကိုယူပြီး ပျားရည်သုတ်လိုက်ပါ။ ပြီးရင် ဆားဝက်ခြံထွက်တဲ့နေရာကို အုပ်ထားပြီး မိနစ် ၂၀ ထားပါ။ အချိန်ပြည့်မှ ရေနဲ့ပြန်သန့်စင်လိုက်ပါ။ ဒီနည်းလမ်းကို လုပ်မယ်ဆိုရင်တော့ တစ်ပတ်မှာ ၃ ကြိမ်၊ ၄ ကြိမ်လောက် လုပ်ပေးရင် ရပါပြီ။

သံပယိုရည်နဲ့ပျားရည်

သံပယိုရည် – လက်ဖက်ရည်ဇွန်း ၁ ဇွန်းနဲ့ ပျားရည် – လက်ဖက်ရည်ဇွန်း ၁ ဇွန်းကို ရောမွှေပြီး ဆားဝက်ခြံနေရာကို လိမ်းပေးပါ။ မိနစ် ၂၀ ထားပြီးမှ ရေနဲ့သန့်စင်ပါ။ ဒီနည်းလမ်းကို လုပ်မယ်ဆိုရင်တော့ တစ်နေ့တစ်ကြိမ် နေ့တိုင်းလုပ်ပေးရပါမယ်။

နနွင်းမှုန့်

နနွင်းမှုန့် – လက်ဖက်ရည်ဇွန်း ၁ ဇွန်းနဲ့ ရေ – လက်ဖက်ရည်ဇွန်း ၁ ဇွန်းတို့ကို ရောမွှေပြီး ဆားဝက်ခြံရှိတဲ့နေရာကို လိမ်းထားပေးပါ။ လိမ်းထားတာခြောက်သွားပြီဆိုမှ ရေနဲ့ပြန်သန့်စင်ပေးပါ။ ဒီနည်းလမ်းကို လုပ်မယ်ဆိုရင်လည်း တစ်နေ့တစ်ကြိမ် ပုံမှန်လုပ်သွားပေးရပါမယ်။