Makeup က Daily ပြင်မယ်ဆိုရင် ရှင်းရှင်းလေးနဲ့လှတာမျိုးကို ပြင်သင့်ပါတယ်။ ဒါမှ ဘယ်အချိန်ကြည့်ကြည့် ရိုးမသွားပဲ လှနေမှာပါ။ ဒါကြောင့် ဒီတစ်ခါမှာတော့ အရောင်ငြိမ်ငြိမ်လေးလည်းဖြစ်အောင် Daily ပြင်ဖို့အတွက်ဆိုရင် ရှင်းရှင်းလေးနဲ့လှတဲ့ Nude Pink Makeup Look ပြင်နည်းကို မျှဝေပေးလိုက်ပါတယ်။
အရင်ဆုံး အောက်ခံ Foundation or Cushion လိမ်းပါမယ်။ Glow Look, Dewy Look ရစေတဲ့ Foundation or Cushion သုံးပေးရင်တော့ ပိုကောင်းပါတယ်။
ပြီးရင်တော့ မျက်ခုံးမွှေးဆွဲပါမယ်။ မျက်ခုံးမွှေးဆွဲပြီးရင် Brow Gel နဲ့ဖြီးဖို့လည်း မမေ့ပါနဲ့။
ပုံမှာပြထားတဲ့ Eyeshadow အရောင်ကို မျက်ခွံမှာ ခြယ်ပါမယ်။ အဲ့အရောင်မရှိရင် ပန်းရောင်ဘက်သွားတဲ့အရောင်၊ အညိုဖျော့အရောင်တွေ ခြယ်လို့ရပါတယ်။
မျက်လုံးအောက်နားကိုလည်း ခြယ်ပါမယ်။
ဒါကတော့ ခုနကအရောင်ထက် နည်းနည်းလေးရင့်တဲ့အရောင်ကို ထပ်ခြယ်မှာပါ။ ခုနကလိုပဲ မျက်ခွံနဲ့ မျက်လုံးအောက်နားကိုပါ ခြယ်ပါမယ်။
ရွှေညိုရောင် Glitter Eyeshadow ကို မျက်ခွံမှာ ခြယ်ပါမယ်။
Eyeliner ကို မျက်လုံးအတွင်းနားကပ်ပြီး ဆွဲပါမယ်။ Wings ထွက်အောင် မျှင်မျှင်လေး ဆွဲပါမယ်။
မျက်လုံးအောက်နားထိပ်ဘက်နဲ့ အလယ်နားအထိကို ရွှေညိုရောင် Glitter Eyeshadow လေး ခြယ်ပါမယ်။
Mascara နဲ့ မျက်တောင်ကော့ပါမယ်။ အပေါ်မျက်တောင်အပြင် အောက်မျက်တောင်ကိုလည်း ကော့ပေးပါ။ မျက်တောင်တုတပ်မယ်ဆိုရင်တော့ Natural ဆန်တာလေးတွေပဲ တပ်ပေးပါ။
ပါးနီကို ပုံမှာပြထားသလို အသားရောင်၊ ရွှေရောင်ဘက်သွားတဲ့ အရောင်လေးပဲ ခြယ်ပါမယ်။
နှုတ်ခမ်းနီကို Nude Color စိုစိုလေး ဆိုးပါမယ်။
ဒါဆိုရင်တော့ Daily ပြင်ဖို့အတွက်ဆိုရင် ရှင်းရှင်းလေးနဲ့လှတဲ့ Nude Pink Makeup Look လေးကို ရရှိသွားပါပြီ။ ရုံးတက်ရင်ပဲဖြစ်ဖြစ်၊ သင်တန်းသွား၊ ကျောင်းသွားရင်ပဲဖြစ်ဖြစ်၊ ထသွားထလာ Date လုပ်ရင်ပဲဖြစ်ဖြစ် ပြင်ဖို့အတွက် အရမ်းအဆင်ပြေတဲ့ Makeup Look လေးပဲ ဖြစ်ပါတယ်။
