အသားလတ်တဲ့ကောင်မလေးတွေအတွက်ရိုးရိုးလေးနဲ့လှတဲ့မိတ်ကပ်ပြင်ဆင်နည်း

အသားက ညိုလည်းမညိုသလို၊ အရမ်းလည်းမဖြူပဲ အသားလတ်တဲ့ကောင်မလေးတွေအတွက် ရိုးရိုးလေးနဲ့လှတဲ့ မိတ်ကပ်ပြင်ဆင်နည်းကို မျှဝေပေးလိုက်ပါတယ်။ ဒီမိတ်ကပ် Look လေးက ထသွားထလာလည်း အဆင်ပြေတဲ့ပုံစံလေးဖြစ်တာကြောင့် ပြင်ကြည့်သင့်ပါတယ်။

ကိုယ်လိမ်းနေကျ Skincare လိမ်းပြီး၊ ကိုယ်သုံးနေကျ Foundation ကို ပါးပါးလေးပဲ လိမ်းပေးပါ။

မျက်ကွင်းညိုတာကိုဖုံးဖို့အတွက် NYX Color Correcting Palette ထဲက ပန်းရောင်ဘက်သွားတာလေးကိုယူပြီး မျက်ကွင်းနေရာကို ဖုံးပေးပါ။

ပြီးရင် Concealer နဲ့ မျက်ကွင်းညိုတာကို နောက်တစ်ထပ် ထပ်ဖုံးရပါမယ်။ ဒီမှာတော့ L’oreal infallible full waterproof concealer ကို သုံးထားပါတယ်။ ဝက်ခြံနဲ့အမဲစက်ရှိရင်လည်း ဖုံးလို့ရပါတယ်။

မျက်လုံးကိုစပြီးခြယ်ဖို့အတွက် အညိုဘက်သွားတဲ့ Glitter Eyeshadow ကိုသုံးပါမယ်။ ဒီမှာတော့ Maybelline The Nudes Eyeshadow Palette ထဲက အညိုရောင် Glitter ကို သုံးထားပါတယ်။

Glitter မပါတဲ့ အညိုရောင် Eyeshadow ကိုယူပြီး Eyeliner ဆွဲသလို မျက်လုံးထောင့်စွန်းကိုပဲ အချွန်လေးထွက်အောင် ပါးပါးလေးဆွဲပေးပါ။ ဒီမှာတော့ Maybelline The Nudes Eyeshadow Palette ကိုပဲ သုံးထားပါတယ်။