မိန်းကလေးတွေအတွက် ဒီတစ်ခါမှာတော့ Simple ဖြစ်ပြီး လှပတဲ့ Erveryday Makeup Look ပြင်နည်းကို မျှဝေပေးလိုက်ပါတယ်။ လူငယ်၊ လူလတ်ပိုင်းတွေနဲ့ လိုက်ဖက်တဲ့ Look လေးဖြစ်သလို ထသွားထလာအတွက်ရော၊ ရုံးသွား ကျောင်းသွားအတွက်ရော အလိုက်ဖက်ဆုံးပါပဲ။
အရင်ဆုံး Foundation အရင်လိမ်းပါမယ်။
ပြီးရင် မျက်ကွင်းညိုတဲ့နေရာ၊ နှာခေါင်းကြား၊ နှုတ်ခမ်းဘေးနားလေးတွေကို အသားညီအောင် Concealer လိမ်းပါမယ်။
Powder ကို Brush နဲ့ယူပြီး လိမ်းပေးပါ။ ဒါမှ အထူကြီး ဖုံဖုံကြီး မဖြစ်မှာပါ။
မျက်ခုံးမွှေးကိုတော့ Natural ဆန်တဲ့ပုံစံလေးပဲ ဆွဲပေးပါ။
Eyeshadow စခြယ်ဖို့အတွက် အရင်ဆုံး အညိုရောင်လေးခြယ်ပါမယ်။
Rose Gold အရောင် Glitter Eyeshadow ကို မျက်ခွံအလယ်မှာ နည်းနည်းခြယ်ပါမယ်။
ခဲရောင် Eyeshadow ကို မျက်ခွံအနောက်နားလေးမှာ Eyeliner လို နည်းနည်းလေးခြယ်ပါမယ်။ ဒါဆိုရင် Eyeliner သီးသန့် ထပ်ဆွဲနေစရာ မလိုတော့ပါဘူး။
နောက်တစ်ဆင့်ကတော့ Mascara နဲ့ မျက်တောင်ကော့မှာ ဖြစ်ပါတယ်။
ပါးနီကို လိမ္မော်ရောင်အရင့်ဘက်သွားတဲ့ အရောင်မျိုးလေးခြယ်ပြီးမှ ပါးရိုးနေရာလေးကို Highlighter Rose Gold အရောင်လေး ခြယ်ပေးပါ။
နှုတ်ခမ်းနီကို အညိုရောင်လေးဆိုးပါမယ်။ ဒါဆိုရင် အရောင်ငြိမ်ငြိမ်လေးနဲ့ လှနေမှာပါ။
ဒါဆိုရင်တော့ Simple ဖြစ်ပြီး လှပတဲ့ Erveryday Makeup Look လေးကို ရရှိသွားပါပြီ။
