ပုံမှန် Working Hours တွေထက်ပိုပြီး အလုပ်လုပ်နေပြီ ၊ အလုပ်မှာဘဲအချိန်ကုန်နေပြီဆိုရင် သင်ဟာ အလုပ်မှာ အစွဲအလမ်းကြီးနေတဲ့ Workaholic ဖြစ်နေပါပြီ။ သုတေသနပြုချက်များအရ Workaholic ဖြစ်သူတွေဟာ ကြာလာတာနဲ့အမျှ ပင်ပန်းနွမ်းနယ်မှု၊ စိုးရိမ်ပူပန်မှုနဲ့ စိတ်ဓာတ်ကျခြင်းတို့ကို ပိုမိုခံစားရနိုင်ခြေ ပိုများကြောင်း သိရပါတယ်။
အနားယူရမယ်လို့ သင့်ကိုယ်သင်ပြောပေမယ့်ပိတ်ရက် တနင်္ဂနွေနဲ့ အားလပ်ရက်တွေမှာတောင် မနားဘဲ အလုပ်မှအလုပ်ဘဲဖြစ်နေတာက သင့်ကျန်းမာရေးနဲ့ ဘဝတစ်ခုလုံးကို ထိခိုက်စေနိုင်ပါတယ်။
ဒါဆို Workaholic ဖြစ်နေတာကို ဘယ်လိုသိနိုင်မလဲ ?
1. အလုပ်ချိန်တိုးတာ
သင်ဟာ Workaholic ဖြစ်ကြောင်း သေချာတဲ့ လက္ခဏာတွေထဲက တစ်ခုကတော့ အချိန်ပိုအလုပ်ဆင်းခြင်းနဲ့ ညနက်တဲ့အထိ အလုပ်ဆင်းခြင်းပါပဲ။ စနေ၊ ပိတ်ရက်တွေမှာတောင် မနားဘဲ အလုပ်လုပ်တာလည်း Workaholic ဖြစ်တာပါဘဲ ။
2. အလုပ်ကိုဘဲ အမြဲတွေးနေတာ
သင့်မိသားစုနှင့် သူငယ်ချင်းများနဲ့ စကားပြောချိန်မှာတောင် အချိန်ပြည့် အလုပ်နဲ့ပတ်သက်တဲ့ အတွေးတွေ အမြဲမပြတ်တွေးနေတာက Workaholic ရဲ့ လက္ခဏတစ်ခုပါပဲ။
3. ကိုယ်ရေးကိုယ်တာဘဝကို လစ်လျူရှုတာ
Workaholic ဖြစ်လာတဲ့အခါ အလုပ်နဲ့ဘဝ ဟန်ချက်ညီမှုကို မရှိတော့ဘဲ အရေးကြီးတဲ့ ဆက်ဆံရေးတွေကို ဆင်ခြေတွေပေးပြီး လစ်လျူရှုမိလာပါတယ်။
4. အပြစ်ရှိသလိုခံစားရတာ
အလုပ်မလုပ်ဘဲ တစ်ခါတစ်လေ မိသားစု ၊ မိတ်ဆွေ ၊ အပေါင်းအသင်းတွေနဲ့အတူတူ ရှိနေတာ ၊ အချိန်ကြာကြာ အနားယူမိတဲ့အခါ ကိုယ့်ကိုယ်ကို အပြစ်ရှိသလို ခံစားလာရတတ်ပါတယ်။
5. ပင်ပန်းနွမ်းနယ်လာတာ
အလုပ်အလွန်အကျွံလုပ်တာရဲ့နောက်ဆက်တွဲထဲက ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ပင်ပန်းနွမ်းနယ်လာတာပါ။ မကြာခဏ စိတ်ဖိစီးပြီး ပင်ပန်းတာဟာလည်း Workaholic ရဲ့ လက္ခဏတစ်ခုပါပဲ။
