ကိုယ်တိုင်က ရည်းစားမထားချင်သေးလို့လား၊ ဒါမှမဟုတ် အဆင့်သင့်မဖြစ်သေးလို့ အချိန်အကြာကြီး တစ်ယောက်ထဲနေနေတာလားဆိုတာကို သိရှိနိုင်ဖို့အတွက် ဒီအကြောင်းအရာ‌လေးကို ဝေမျှပေးလိုက်ပါတယ်နော်။ ကဲ…ဒါဆိုရင် ရည်စားထပ်ထားဖို့ အဆင်သင့်မဖြစ်သေးဘူးဆိုတာကိုဖော်ပြနေတဲ့အချက်လေးတွေက ဘယ်လိုလဲဆိုတာ အတူတူကြည့်လိုက်ရအောင်…

လွတ်လွတ်လပ်လပ်နေရတာကို ပိုနှစ်သက်နေတယ်

တစ်ယောက်ထဲနေရတာကြာလာတော့ ရည်စားလည်း ထပ်မထားချင်တော့ဘူး။ တစ်ယောက်ထဲအပူအပင်မရှိပဲ လွတ်လွတ်လပ်လပ်နေရတာကို ပိုပြီးနှစ်သက်လာတယ်။ ဒီလိုစိတ်ခံစားမှုတွေဖြစ်နေရင်တော့ နောက်ရည်းစားထပ်ထားဖို့ သင့်စိတ်ကအဆင်သင့်မဖြစ်သေးဘူးဆိုတာ ပြနေပါတယ်။

ရည်စားဟောင်းကို အခုထိမမေ့နိုင်သေးတာ

ပြတ်သွားပြီးသား ရည်းစားဟောင်းကိုမမေ့နိုင်သေးတာမျိုး၊ ရည်းစားဟောင်း ဘာလုပ်လဲဆိုတာတွေကို လိုက်စိတ်ဝင်စားနေတာမျိုး၊ ရည်းစားဟောင်းအကြောင်းတွေကို အခုချိန်ထိ ပြောနေပြီး စိတ်မပျက်နိုင်သေးတာမျိုးတွေဖြစ်နေရင် နောက်ရည်းစားအသစ်ထပ်ထားဖို့ အဆင်သင့်မဖြစ်သေးတာ အမှန်ပါပဲ။

Date လုပ်ရမှာကို Stress တစ်ခုလိုမြင်နေတယ်

တစ်ယောက်ယောက်နဲ့ Date လုပ်ရမှာကိုတောင် စိတ်ဖိစီးမှုတစ်ခု Stress တစ်ခုလို့ မြင်နေတယ်ဆိုရင်တော့ သင်ရည်းစားထားဖို့ လုံးဝအဆင်သင့်မဖြစ်သေးပါဘူးနော်။

လက်ရှိကိုယ့်ဘဝကိုမပျော်ရွှင်ဘူး

ကိုယ့်ရဲ့လက်ရှိဘဝမှာတောင် မပျော်ရွှင်ဘူး၊ စိတ်ဖိစီးမှုတွေများနေတယ်၊ Depression ဝင်နေတယ်ဆိုရင်လည်း ရည်စားထားဖို့ကို လုံးဝအဆင်သင့်မဖြစ်သေးပါဘူး။

အယုံအကြည်ကင်းမဲ့နေတယ်

အရင်ရည်စားနဲ့တုန်းက ယုံကြည်မှုပျက်စီးခဲ့တာကြောင့်၊ သစ္စာဖောက်ခံခဲ့ရဖူးတာကြောင့်၊ သူများရဲ့ပြဿနာတွေကို မြင်ထားဖူးလို့ စိတ်ကုန်နေတာကြောင့် လူတိုင်းကို မယုံကြည်နိုင်တာမျိုး၊ အချစ်ကို အယုံအကြည်ကင်းမဲ့သွားမျိုးဖြစ်နေတတ်ပါတယ်။ ဒီလိုဖြစ်နေရင်လည်း ရည်စားထားဖို့ သင့်စိတ်က အဆင်သင့်မဖြစ်သေးပါဘူး။