ယောက္ခမနဲ့ ချွေးမဆိုတာ တည့်တာရှားပါတယ်။ ဒါပေမယ့်လည်း မတည့်အတူနေတွေလို့ ဆိုရမလိုပါပဲ။ နင့်ကို ငါမကြိုက်ဘူးလို့ ပွင့်ပွင့်လင်းလင်း မပြောပေမယ့် သူကိုယ့်ကို သဘောမကျဘူးဆိုတာ ဘယ်လိုသိနိုင်မလဲ။
သူနဲ့ တွေ့ရမှာ ထိတ်လန့်နေတယ်။
ကိုယ့်ကို သဘောမကျလို့ ယောက္ခမနဲ့တွေ့လိုက်ရင် တစ်ခုခု စိုးရိမ်သလိုကြီး ထိတ်လန့်သလိုကြီး ခံစားရစေပါတယ်။
သင့်ချစ်သူ (သို့) အမျိုးသားရဲ့ ရည်းစားဟောင်းအကြောင်း ပြောဖို့ကြိုးစားတယ်။
ကိုယ့်ရှေ့မှာ သူ့ရည်းစားဟောင်းအကြောင်းပြောတာဟာ ဘယ်လိုလုပ် ကိုယ့်ကို သက်သောင့်သက်သာဖြစ်စေမှာလဲနော်။
သင့်ကိုဆို အမြဲဝေဖန်လေ့ရှိတယ်။
သင်တစ်ခုခုလုပ်ရင် ဘာဖြစ်တယ်ညာဖြစ်တယ်ဆိုပြီး အမြဲတမ်းဝေဖန်လ့ရှိတယ်။ သင့်ရဲ့ ရည်ရွယ်ချက်တွေ၊ သင့်မိသားစုတွေကိုလည်း ဝေဖန်တယ်။
သင့်ကို ဥပက္ခာပြုထားတယ်။
သင့်ကိုဆို ဂရုလည်းမစိုက်ဘူး။ ရှိတယ်လည်းမထင်ဘူး။ ဥပေက္ခာပြုထားတာဟာ သင့်ယောက္ခမကြီး သင့်ကို သဘောမကျတာပါပဲ။
သင့်အကြောင်းကို စိတ်ဝင်တစား ဘယ်တော့မှမမေးဘူး။
သင်ဘာလုပ်တယ်။ ဘာကိုင်တယ်ဆိုတာအစ သူမမေးဘူး။ သင့်မိသားစုအကြောင်း သင့်အကြောင်းကို လုံးဝမမေးဘူးဆိုရင် သင့်ကို သဘောမကျလို့ပါပဲ။
မတောင်းပန်သင့်တာကို sorry ပြောတယ်။
သင့်ကို သဘောမကျရင် သြော် ဆောရီးပါ ငါမှားပါတယ်။ စသဖြင့် မတောင်းပန်သင့်တဲ့အရာကို တောင်းပန်သလို ရိပြီးပြောတတ်တယ်။
ယောက္ခမနဲ့ ချွေးမဆက်ဆံရေး ဘာလို့ အဆင်မပြေကြသလဲဆိုတာ တွေးရခက်ပါတယ်။ သင်က သဘောကျအောင်နေမယ်စိတ်ကူးပေမယ့် တစ်ခုမဟုတ်တစ်ခု အမြဲ အပြစ်ပြောခံနေရတာဟာဘာလို့လဲ။ ယောက္ခမဆိုးဆိုး (သို့) ချွေးမဆိုးဆိုးတစ်ယောက် မဖြစ်ဖို့ ဘာတွေလိုအပ်မယ်လို့ စာဖတ်သူတို့မြင်ပါသလဲ။ comment လေးတွေ ရေးခဲ့ဦးနော်။
