SHINee အဖွဲ့ဝင် Minho ဟာဆိုရင် မကြာသေးခင် နိုဝင်ဘာ ၁၅ ရက်နေ့ကမှ စစ်မှုထမ်းတာဝန်ပြီးဆုံးခဲ့တာ ဖြစ်ပါတယ်။ Minho ကို လွမ်းနေကြတဲ့ ပရိသတ်တွေအတွက်ကတော့ သတင်းကောင်းတစ်ခုပါပဲနော်။
ဒီဇင်ဘာ ၂၂ ရက်နေ့မှာ ထုတ်လွှင့်ပြသမယ့် “Lovestruck in the City” ဆိုတဲ့ Drama မှာ Minho က ဧည့်သည်သရုပ်ဆောင်အဖြစ်နဲ့ ပါဝင်သရုပ်ဆောင်ဖို့ အတည်ပြုလိုက်ပါပြီ။ စစ်မှုထမ်းပြီး ပြန်လာတာဖြင့်မကြာသေးဘူး။ Drama ထဲမှာ ပြန်လည်မြင်တွေ့ရတော့မှာမို့ Minho Fan တွေနဲ့ SHINee Fan တွေအတွက်ကတော့ ဝမ်းသာစရာပါပဲ။
ဒီ Drama ထဲမှာတော့ မင်းသား Ji Chang Wook နဲ့ မင်းသမီး Kim Ji Won တို့ အဓိကပါဝင်သရုပ်ဆောင်ထားပါတယ်။ ဒီ Drama လေးက ပုံမှန်ပြနေကျ Kdrama တွေထက်တော့ တိုပါတယ်။ အပိုင်း ၁၂ ပိုင်းပဲရှိပြီး တစ်ပိုင်းကိုလည်း မိနစ် ၃၀ စာပဲ ရှိပါတယ်။
ဒါပေမယ့် လူငယ်အကြိုက်တွေ့မယ့် ဇာတ်လမ်းလေးဖြစ်တာကြောင့် မင်းသား၊ မင်းသမီးလည်း ကြိုက်တယ်၊ Minho ကိုလည်း ကြိုက်တယ်ဆိုရင်တော့ ဒီ Drama လေးကို စောင့်ကြည့်ဖို့ မမေ့ပါနဲ့။
Source: www.soompi.com
