Twinkling Watermelon ဇာတ်လမ်းထဲက စကားမပြောတတ်တဲ့ကောင်မလေးနေရာမှာ သရုပ်ဆောင်ထားတဲ့ မင်းသမီးချောလေး Shin Eun Soo ကို တော်တော်များများ သတိထားမိမှာပါ။
အပြစ်ကင်းတဲ့မျက်နှာလေးနဲ့ ချစ်ဖို့ကောင်းတဲ့ ဒီကောင်မလေးကို အောက်တိုဘာ 23, 2002 မှာ မွေးဖွားခဲ့ပြီး အခုဆို ၂၁ နှစ် ရှိသွားပါပြီ။
2014 ခုနှစ်မှာ အဆိုတော်နဲ့ သရုပ်ဆောင် နှစ်ခုလုံးအတွက် Trainee အဖြစ် JYP Entertainment (JYPE) မှာ စတင်ခဲ့ပါတယ်။
2016 ခုနှစ် Vanishing Time: A Boy Who Returned ဇာတ်ကားမှာ အမျိုးသမီးဇာတ်ဆောင်အဖြစ် ပွဲဦးထွက်ခဲ့ပြီး အသက်ငယ်ငယ်လေးနဲ့ လူသစ်ဖြစ်တဲ့သူမက အဓိကကျတဲ့ အခန်းကဏ္ဍမှာ ပါဝင်သရုပ်ဆောင်နိုင်တဲ့အတွက် ချီးကျူးခံခဲ့ရပါသေးတယ်။
နောက်ထပ် အနုပညာလှုပ်ရှားမှုအနေနဲ့ The Legend of the Blue Sea (2016) ဇတ်လမ်းတွဲမှာ Jun Ji-hyun ရဲ့ ဆယ်ကျော်သက်ဇာတ်ကောင်အဖြစ် သရုပ်ဆောင်ခဲ့သလို Bad Papa (2018) တို့မှာလည်း ပါဝင်သရုပ်ဆောင်ခဲ့ပါသေးတယ်။
2017 ခုနှစ်မှာ မင်းသား Yoon Park နဲ့အတူ 2nd Japan Film Festival ရဲ့ ဂုဏ်ထူးဆောင် သံတမန်အဖြစ် ခန့်အပ်ခြင်းခံခဲ့ရသလို 2018 ခုနှစ်မှာလည်း 20th Bucheon International Animation Festival (BIAF) ရဲ့ သံတမန်အဖြစ် ခန့်အပ်ခြင်းခံရပါသေးတယ်။
တဖြည်းဖြည်းနဲ့ အနုပညာလှုပ်ရှားတွေ ပုံမှန်လုပ်လာတဲ့ မင်းသမီးချောလေး Shin Eun Soo က အခုလည်း Twinkling Watermelon ဇာတ်လမ်းနဲ့ ထပ်ပြီး ပရိတ်သတ်တွေရဲ့ နှလုံးသားမှာ နေရာယူလာပါပြီ။
