အားလုံးပဲမင်္ဂလာပါနော်။ အသက်အရွယ်ဆိုတာ တကယ်တော့ ကိန်းဂဏန်းတစ်ခုပါပဲ။ ငယ်ရွယ်နုပျိုခြင်းရဲ့ လျှို့ဝှက်ချက်ဆိုတာ ကိုယ့်ကိုကိုယ် လှပအောင်ထိန်းသိမ်းခြင်း ကျန်းမာအောင်နေထိုင်ခြင်းပဲဆိုတာ ငြင်းစရာရှိမယ် မထင်ပါဘူးနော်။

ဒီလို ခန္ဓာကိုယ်ကျန်းမာလှပနေဖို့ဆိုတာ ထိုင်နေရုံနဲ့မရပါဘူးနော်။ ကိုယ့်အသက်အရွယ်ကလည်း အသက်၄၀နားရှိနေပြီး ပင်ပန်းတဲ့လေ့ကျင့်ခန်းတွေလည်း မလုပ်နိုင်ဘူးဆိုရင်တော့ ဒီလိုလွယ်ကူပြီး သိပ်မပင်ပန်းတဲ့လေ့ကျင့်ခန်းလေးတွေ လုပ်ပေးကြည့်ပါနော်။

၁။ ညောင်းညာကိုက်ခဲနေတာတွေသက်သာအောင်

အခုပုံမှာပြထားသလိုမျိုးနေတာက ကြွက်သားနာကျင်ကိုက်ခဲတာကို သက်သာစေသလို သွေးလည်ပတ်မှုကို ကောင်းမွန်စေပြီးတော့ သင့်ခန္ဓာကိုယ်အတွက်လည်း အောက်စီဂျင် ပိုပြီးရအောင် ကူညီပေးနိုင်ပါတယ်။

အခုပုံမှာပြထားတဲ့အတိုင်း ၁၀ စက္ကန့်နေပါ။ ၁၀ စက္ကန့်နားပါ။ အဲဒီလို ၁၀ ကြိမ် လုပ်ပေးရပါမယ်။

၂။ နှလုံးကျန်းမာအောင်

နှလုံးကျန်းမာရေးကို ပိုမိုကောင်းမွန်အောင် ကြိုးလေးခုန်ကြရအောင်ပါ။ တစ်ခါခုန်ရင် ၁၅ ကြိမ်ခုန်ပြီးတော့ ၁၀ စက္ကန့်လောက် နားပါ။ ၁၅ ကြိမ် ၅ ခါ ထပ်ခုန်ပါနော်။

၃။ စူပါမန်းလိုနေမယ်

သင့်ရဲ့ အဆစ်အမြစ်တွေကို ပိုပြီးသန်မာစေပြီး ဒီလိုလုပ်ပေးခြင်းအားဖြင့် အဆစ်အမြစ်တွေ နာကျင်ခိုက်ခဲမှုတွေ မဖြစ်အောင် ကာကွယ်ပေးပါတယ်။

အခုပုံမှာပြထားသလို ၁၀ စက္ကန့်လောက်နေပေးပြီး ၁၀ စက္ကန့်နားပါ။ အဲဒီအတိုင်း ၁၀ ကြိမ်‌လုပ်ပေးပါ။

၄။ အလေး မ မယ်

ကျောလှဲနေပြီး အလေးတုံးတွေ မ ပေးတာက နောက်ကျောညောင်းတာကို သက်သာစေသလို သင့်လက်မောင်းက အဆီတွေကိုလည်း လျှော့ချပေးပြီး လက်မောင်းသားကို တင်းရစ်နေစေပါတယ်။ ဒါကြောင့် အလေးတုံးလေးကို ၁၀ ကြိမ် ၅ ခါ မပေးပါ။ ၁၀ ကြိမ်ပြည့်တိုင်း တစ်ခါနားနိုင်ပါတယ်။

၅။ Squat ထိုင်မယ်

အသက်အရွယ်ရလာရင် ဒူးလေးတွေက သိပ်မခိုင်ချင်တော့ဘူးနော်။ ဒါ့ကြောင့် ဒူးလေးကို ပိုပြီးသန်မာစေအောင် ဒီလို Squat ထိုင်တဲ့လေ့ကျင့်ခန်းကိုလုပ်နိုင်ပါတယ်။

ထိုင်ခုံတစ်လုံးကို အနောက်မှာ ထားပြီးတော့လည်း ထိုင်ထလုပ်ပေးနိုင်ပါတယ်။

တခါလုပ်ရင် အခါ ၂၀ လုပ်ပေးပြီး ၃ ကြော့ လုပ်ပါ။