မင်္ဂလာပါနော်။ အသားအရေနဲ့ ပတ်သက်လို့ အမြဲတမ်း ဂရုတစိုက်ထိန်းသိမ်းချင်တယ်။ ဒါပေမယ့် ဈေးကြီးပေးရတဲ့ ဆိုင်တွေ သွားဖို့ အချိန်မပေးနိုင်သူတွေအတွက်တော့ ဒီနည်းလမ်းလေးတွေက အသုံးဝင်မှာပါနော်။ လှပပြီး ကြည်လင်တဲ့အသားအရေ ပိုင်ရှင်လေးဖြစ်ဖို့ အသားအရေ ထိန်းသိမ်းနည်းတွေကို မျှဝေပေးချင်ပါတယ်။

၁။ ဆားရေ

ရေနွေးနွေးလေးနဲ့ ဆားနဲ့ သေချာလေး ဖျော်လိုက် မွှေလိုက်ပါ။ ပြီးရင် တဘက်နဲ့ ဆားရေကို စွတ်လိုက်ပြီး မျက်နှာပေါ်မှာ အုပ်ပေးထားပါ။ ၁၀ မိနစ်လောက်ထားပြီး ရေဆေးချလိုက်ပါ။

၂။ သွားတိုက်တံ

သွားတိုက်တံ (သို့) သွားပွတ်တံနဲ့ အုန်းဆီ (သို့) သံလွင်ဆီ နည်းနည်းရောလိုက်ပြီး နှှုတ်ခမ်းကို ပွတ်တိုက်ပေးခြင်းဖြင့် နှုတ်ခမ်းသား နူးညံ့ စိုပြေလာစေမှာဖြစ်ပါတယ်။

၃။ မိတ်ကပ်ကို အုန်းဆီ (သို့) သံလွင်ဆီနဲ့ဖျက်မယ်

မိတ်ကပ်ဖျက်တာ ကုန်သွားလို့ စိတ်မညစ်ပါနဲ့။ အုန်းဆီ (သို့) သံလွင်ဆီကိုသုံးပြီး မိတ်ကပ်တွေကိုသေချာဖျက်လိုက်ပါ။ ပြီးရင် မျက်နှာသေချာလေး သစ်ပေးလိုက်ပါ။

၄။ ပျားရည်

မျက်နှာမှာ ဝက်ခြံတွေ ဖြစ်နေလို့ စိတ်မပူပါနဲ့။ ပျားရည်ကို လိမ်းပေးထားပြီး ၁၅ မိနစ်လောက်ထားပါ။ ပြီးရင် ရေအေးအေးလေးနဲ့ ဆေးချလိုက်ပါ။ ဝက်ခြံကို လျော့ပါး သက်သာစေမှာဖြစ်သလို အသားအရေကိုလည်း ကြည်လင်လာစေပါတယ်။

၅။ အမွှေးတွေ မထူလာစေဖို့

သင့်ခန္ဓာကိုယ်က မလိုအပ်တဲ့ အမွှေးအမျှင်တွေ ထူမလာစေဖို့အတွက် မုန့်ဖုတ်ဆိုဒါ (Baking Soda) လက်ဖက်ရည်ဇွန်း  ၁ ဇွန်း၊ ကွေကာအုတ်အကြမ်းအမှုန့် လက်ဖက်ရည်ဇွန်း ၁ ဇွန်းနဲ့ ရေ စားပွဲတင်ဇွန်း ၂ ဇွန်းရောလိုက်ပြီးလိမ်းပေးလိုက်ပါ။ ပြီးရင် ၅ မိနစ်လောက်ထားပြီး ရေနွေးနွေးလေးနဲ့ ဆေးချပါ။ အဲဒီနောက် Lotion လိမ်းပေးထားပါ။

၆။ မျက်ကွင်းညိုတာ သက်သာစေဖို့

Baking Soda (မုန့်ဖုတ်ဆိုဒါ) ဟာ မျက်ကွင်းညိုတာကို သက်သာစေပါတယ်။ မုန့်ဖုတ်ဆိုဒါလက်ဖက်ရည်ဇွန်း ၁ ဇွန်းကို ရေနွေးနည်းနည်းနဲ့ရောပြီး မျက်ကွင်းအောက်နားမှာလိမ်းပေးလိုက်ပါ။ ပြီးရင် ၁၀ မိနစ် ၁၅ မိနစ်အထိထားပြီး ရေအေးအေးနဲ့ဆေးချပေးပါ။

၇။ မျက်တောင်မွှေးထူထူရဖို့

အုန်းဆီ လက်ဖက်ရည်ဇွန်းတစ်ဝက်နဲ့ ဗီတာမင် E အဆီ နည်းနည်းရောပြီး မျက်တောင်နားမှာ လိမ်းပေးလိုက်ပါ။ မျက်တောင်မွှေးကို ရှည်လာစေမှာဖြစ်ပါတယ်။

၈။ ညအိပ်ယာမဝင်ခင်

ညအိပ်ယာမဝင်ခင် မျက်နှာကို သေချာလေးသစ်ပေးလိုက်ပါ။ ပြီးရင် Night Cream လိမ်းပေးပြီးအိပ်ယာဝင်ပါ။ နှုတ်ခမ်းကိုအဆီလေးတစ်မျိုး ဆိုးပေးပြီး အိပ်ယာဝင်ပေးပါ။