မင်္ဂလာပါရှင်။ ဒီတခါမှာတော့ ပျိုမေတို့ရဲ့ အသားအရေလေး အမြဲတမ်း လှပနေစေဖို့အတွက် လျှို့ဝှက်ချက်တွေကို မျှဝေပေးသွားမှာဖြစ်ပါတယ်။
၁။ Sunscreen လိမ်းပါ
နေပူထဲသွားတဲ့အခါ SPF အနည်းဆုံး ၃၀ ပါတဲ့ Lotion လိမ်းပေးသင့်ပါတယ်။ နေရိပ်ထဲမှာနေတဲ့အခါမှာလည်း SPF ၁၀ လောက်ပါတဲ့ Lotion ကိုလိမ်းပေးသင့်ပါတယ်။ နေလောင်ထားတဲ့အသားအရေကို ကုသဖို့နဲ့ နေလောင်ဒဏမ်ကနေကာကွယ်ဖို့ Sunscreen လိမ်းပေးပါ။
၂။ အမည်းစက်တွေကို ကုသပါ
သင့်မျက်နှာမှာ အမည်းစက်တွေ၊ ဝက်ခြံတွေ ဖြစ်လာရင် ပျောက်သွားအောင် ဂရုစိုက်ပါ။ အမည်းစက်သက်သာစေပြီး ဝက်ခြံလည်း သက်သာစေဖို့ မျက်နှာကို ပေါင်းသင်ပေးတာမျိုး လုပ်သင့်ပါတယ်။
၃။ မျက်နှာကို ခဏခဏ မထိပါနဲ့
မျက်နှာကို လက်နဲ့ ခဏခဏ ထိပေးတာဟာ လက်မှာ ရှိနေတဲ့ ဘက်တီးရီးယားတွေက မျက်နှာပေါ်မှာ ကပ်ညှိပြီး အဆီနဲ့ အညစ်အကြေးတွေ ဖြစ်စေသလို သင့်မျက်နှာကို ညစ်ညမ်းစေပါတယ်။
၄။ အသားအရေကို သင့်လျော်တဲ့ ထိန်းသိမ်းမှုလုပ်ပါ
သင့်အသက်အရွယ်နဲ့ လိုက်ဖက်တဲ့ သင့်တော်တဲ့ အသားအရေ ထိန်းသိမ်းမှုမျိုးလုပ်ပေးပါ။ သင်အသက်ရလာတာနဲ့ အမျှ သင့်အသက်အရွယ်နဲ့လိုက်ဖက်တဲ့ အလှပြင်ပစ္စည်းတွေကို ပြောင်းသုံးသင့်ပါတယ်။
၅။ လည်ပင်းက အသားအရေကိုလည်း ဂရုစိုက်ပါ
သင့်မျက်နှာကိုပဲ အမြဲတမ်း ဂရုစိုက်နေပြီး လည်ပင်းနဲ့ တခြားအသားအရေကိုလည်း ဂရုစိုက်ဖို့မေ့နေပြီလား။ ဒီလိုတော့မဖြစ်သင့်ပါဘူး။ သင့်လည်ပင်းက အသားအရေကိုလည်း ဂရုစိုက်ပါ။ နေလောင်ကာကွယ်တဲ့ ခရင်မ်တွေလည်း လိမ်းပေးသင့်ပါတယ်။
၆။ သင့်မျက်လုံး အမြဲတမ်း လန်းဆန်းနေအောင်လုပ်ပါ
မျက်ကွင်းညိုတာ ၊ မျက်အိတ်ဖောင်းတာမျိုးဖြစ်နေရင် အိပ်ယာနိုးနိုးချင်း မျက်လုံးကို ရေအေးအေးလေးနဲ့ အရင်ဆေးချလိုက်ပါ။ ပြီးရင် သခွားသီး (သို့) အာလူး ပါးပါးလှီးပြီးကပ်ပေးပါ။ အားပါးတရ ငိုပြီးတဲ့အခါမှာလည်း မျက်လုံးဖောင်းမလားအောင် ရေခဲကပ်ပေးပြီးမှ အိပ်ပါ။
၇။ ရေခဲသုံးပါ
ရေခဲဟာ ချွေးပေါက်ကျဉ်းစေဖို့ ကူညီပေးပါ။ ရေခဲကပ်ပေးခြင်းဖြင့် သွေးလည်ပတ်မှုကိုကောင်းမွန်စေပြီး အသားအရေကို စိုပြေစေမှာဖြစ်ပါတယ်။
၈။ အိပ်ယာမဝင်ခင် မျက်နှာသစ်ဖို့ မမေ့ပါနဲ့
ညအိပ်ယာဝင်တဲ့အခါမိတ်ကပ်လိမ်းလျက်သားနဲ့ မဝင်ပါနဲ့။ မျက်နှာကို သေချာသစ်ပြီး Moisturizer လိမ်းပေးပြီးမှ အိပ်ယာဝင်ပေးပါ။
၉။ အိပ်ရေးဝအောင်အိပ်ပါ
အိပ်ရေးဝအောင်အိပ်တာဟာ သင့်ကျန်းမာရေးအတွက်ရော အသားအရေအတွက်ပါ ကောင်းမွန်ပါတယ်။ အသားအရေလှပြီး နောက်နေ့မှာ လန်းဆန်းတက်ကြွစွာ နိုးထနိုင်ဖို့ အိပ်ရေးဝဝ အိပ်သင့်ပါတယ်။