ခံတွင်းကျန်းမာရေး ပြဿနာတွေဟာ တစ်ကိုယ်ရေ သန့်ရှင်းမှု ရှိတာမရှိတာနဲ့ အဓိက သက်ဆိုင်နေတာမဟုတ်ပါဘူး။ တခါတလေမှာ မိမိစားနေတဲ့ အစားအစာတွေနဲ့ ခံတွင်းရှိ မမြင်နိုင်တဲ့နေရာတွေမှာ ဘက်တီးရီးယားပိုးမွှားကြီးထွားမှုတွေ ရဲ့ ရလဒ်ကြောင့် ဖြစ်ပါတယ်။
အုန်းဆီ စားပွဲတင်ဇွန်း တစ်ဇွန်းကို နေ့စဉ်အသုံးပြုပေးတာဟာ ခံတွင်းဆိုင်ရာ ပြဿနာတွေကို ကောင်းမွန်စေသလို သွားပိုးစားတာကနေ ကာကွယ်ပေးတယ်ဆိုတာ သင်သိပြီးပြီလား။
အုန်းဆီမှာ Antifungal၊ Antibacterial ၊ Antimicrobial စတဲ့ ဂုဏ်သတ္တိတွေပါဝင်တာကြောင့် သွားပိုးစားတာ သွားကျောက်တည်တာတွေကို ဈေးကြီးပေးဝယ်ရတဲ့ သွားတိုက်ဆေးတွေထက် ကုသပေးနိုင်ပါတယ်။
မကြာသေးမီက လေ့လာတွေ့ရှိချက်အရ အုန်းဆီဟာ ခံတွင်းထဲက ဘက်တီးရီးယားပိုးမွှားတွေအားလုံးကို တိုက်ဖျက်နိုင်တယ်လို့ ဆိုပါတယ်။
ဒီတော့ သွားတွေကို ဖြူဖွေးခိုင်မာပြီး ခံတွင်းဆိုင်ရာ ရောဂါတွေကနေ ကင်းဝေးနိုင်ဖို့ မိမိအိမ်မှာ အလွယ်တကူပြုလုပ်လို့ရမဲ့ နည်းလမ်းလေးကို ပြောပြပေးချင်ပါတယ်။
ပါဝင်ပစ္စည်း
အုန်းဆီ စားပွဲတင်ဇွန်း ၇ ဇွန်း
မုန့်ဖုတ်ဆိုဒါ စားပွဲတင်ဇွန်း ၇ ဇွန်း
ခန္တာကိုယ်အတွက် မရှိမဖြစ်လိုအပ်တဲ့ ဆီ (Essential Oil) အစက် ၃၀ (အပင်ရဲ့ အစိတ်အပိုင်းတွေက ထုတ်ယူရရှိတဲ့ အဆီများ)
စတီးဗီးယား (Stevia) (စတီးဗီးယားအရွက်က ထုတ်လုပ်တဲ့ သကြား) လက်ဖက်ရည်ဇွန်း ၁ ၁/၂
ပြုလုပ်နည်း
ပါဝင်ပစ္စည်းအားလုံးကို ရောနှောပြီး မိမိပုံမှန်တိုက်နေတဲ့ သွားတိုက်ဆေးနေရာမှာ အစားထိုးပြီး တိုက်ပါ။
