ဆားဝက်ခြံပေါက်တာဟာ ကျန်းမာရေးကို ထိခိုက်စေတာမျိုးတော့ မဟုတ်ပေမဲ့ အလှအပကြိုက်တဲ့သူတွေအတွက်တော့ စိတ်အနှောင့်အယှက်ဖြစ်စေတာကတော့ အမှန်ပါပဲ့။ ဒါကြောင့် နှာခေါင်းနဲ့ မေးစေ့တွေမှာ အဓိကဖြစ်တတ်တဲ့ ဆားဝက်ခြံတွေကို ဓါတုပစ္စည်းတွေမသုံးဘဲ သဘာဝနည်းလမ်းလေးတွေနဲ့ ဖယ်ရှားချင်တဲ့သူလေးတွေအတွက် ထိရောက်မှုရှိတဲ့ နည်းလမ်းကောင်းလေးတစ်ချို့ကို မျှဝေပေးလိုက်ပါတယ်နော်။
သစ်ကြံပိုးခေါက် နဲ့ ပျားရည်
ပါဝင်ပစ္စည်းများ
သစ်ကြံပိုးခေါက်အမှုန့်
ပျားရည်
ဝါဂွမ်းစ
အသုံးပြုနည်း
သစ်ကြံပိုးခေါက်နဲ့ ပျားရည်ကို ရောပြီး ဆားဝက်ခြံပေါ် လိမ်းပါ။ အဲဒီနောက် ဝါဂွမ်းစနဲ့ ဖိထားပြီး ၃မိနစ်ကနေ ၅မိနစ်ထိထားပါ။ အဲဒီနောက် ဝါဂွမ်းစကို ဖယ်ပြီး မျက်နှာသစ်ကာ Moisturizer လိမ်းပေးထားပါ။
Green Tea
ပါဝင်ပစ္စည်းများ
Green Tea လက်ဖက်ခြောက်
ပုဝါတစ်ထည်
အသုံးပြုနည်း
Green Tea လက်ဖက်ခြောက်ကို စားပွဲတင်ဇွန်း တစ်ဇွန်းစာထည့်ပြီး ရေနွေးနဲ့ ပျော့လာတဲ့အထိ စိမ်ပေးထားပါ။ အဲဒီနောက် လက်ဖက်ကို ဆားဝက်ခြံပေါ် ပွတ်တိုက်ပေးပြီး ၃ မိနစ်လောက်ထားပါ။ အဲဒီနောက် မျက်နှာသစ်ပြီး ပုဝါနဲ့ ခြောက်အောင် ဖွဖွလေး သုတ်ပေးပါ။
သကြား
ပါဝင်ပစ္စည်းများ
သကြား(အဖြူ(သို့)အညို) တစ်ခွက်
ဆီ
Jojoba (သို့) ဗာဒံဆီ စားပွဲတင်ဇွန်း ၄ ဇွန်း
အသုံးပြုနည်း
ပထမဆုံး သကြားနဲ့ Jojoba (သို့) ဗာဒံဆီ ကိုရောပြီး ဆီထဲထည့်လိုက်ပါ။ အဲဒီနောက် မွှေပြီး ဖန်ခွက်ထဲကိုထည့်ထားကာ ခဏအအေးခံထားပါ။ အဲဒီနောက် မျက်နှာသစ်ပြီး ရေစိုနေတဲ့မျက်နှာပေါ်က ဆားဝက်ခြံနေရာမှာ ခပ်ဖြည်းဖြည်းပွတ်လိမ်းပေးပါ။ အဲဒီနောက် မိနစ် ၃၀ လောက်ထားပြီး မျက်နှာသစ်ချလိုက်ပါ။
ကြက်ဥအကာ
ပါဝင်ပစ္စည်းများ
ကြက်ဥတစ်လုံး
တစ်ရှူး
အသုံးပြုနည်း
မျက်နှာသစ်ပြီး ရေခြောက်အောင် သုတ်ပေးပါ။ အဲဒီနောက် ကြက်ဥအကာနဲ့ မျက်နှာပေါ်လိမ်းပေးကာ တစ်ရှူးစနဲ့ ကပ်ပေးထားပါ။ တစ်ရှူးကို ကြက်ဥအကာ မခြောက်ခင်ထိ ထားပါ။ အဲဒီနောက် တစ်ရှူးကိုခွာပြီး မျက်နှာကို သန့်စင်အောင် ဆေးကြောလိုက်ပါ။
