အဖြူရောင်ဝတ်စုံတွေက ဝတ်လိုက်ရင် လူကိုလုံးဝစတိုင်ကျစေပြီး ဂန္ထဝင်ဆန်စေပါတယ်။ ဒါပေမယ့် အဖြူရောင် ၀တ်စုံကို ၀တ်ရတာက စမတ်ကျသလောက် သတိထားရမယ့်အချက်တွေ အရမ်းများပါတယ်။ ဒီအချက်တွေကတော့ အဖြူရောင်ဝတ်စုံဝတ်တဲ့အခါ သိထားသင့်တဲ့ အချက်လေးတွေပါ။
မိတ်ကပ်
အဖြူရောင်ဝတ်စုံမဝတ်ခင် မိတ်ကပ်နဲ့ နေရောင်ကာခရင်မ်လိမ်းဖို့ အမြဲသတိရပါ။ ခြောက်သွားမှ ဝတ်ပေးပါ။ မဟုတ်ရင် အင်္ကျီမှာ စွန်းပေနိုင်လို့ပါ။
အတွင်းခံ
အဖြူရောင်ဝတ်တဲ့အခါ အတွင်းခံကို သင့်အသားအရေနဲ့ လိုက်ဖက်မယ့် အရောင် ဒါမှမဟုတ် အနီးစပ်ဆုံး အရောင်ကို ရွေးချယ်ပါ။
ပုဝါ
အဖြူရောင်ဘောင်းဘီ ၊ စကပ်တွေဝတ်မယ်ဆိုရင် အရေးပေါ်ပဝါကို ဆောင်ထားပါ။ ဒါမှ တခုခုစွန်းတာမျိုးဖြစ်ရင် အပေါ်ကထပ်လို့ရမှာပါ။
Roll-On
နွေရာသီမှာ အဖြူရောင်ရှပ်အင်္ကျီဝတ်တော့မယ်ဆိုရင် ချွေးအစွန်းအထင်းတွေက အင်္ကျီမှာကွက်တာမျိုးမဖြစ်အောင် Roll-On ကို မဖြစ်မနေသုံးပေးပါ။
ရေမွှေး
အဖြူရောင်အဝတ်အစားပေါ်မှာ ရေမွှေးစွတ်တဲ့အခါ တချို့ရေမွှေးတွေက အဝါရောင်အစွန်းအထင်းတွေ ဖြစ်စေတတ်တာမလို့ အဝတ်အစားမဝတ်ခင် အရင်သုံးပေးပါ။
ဖိနပ်
အဖြူရောင်အဝတ်အစားနဲ့တွဲဝတ်ဖို့အတွက် ဖိနပ်ကို သင့်အသားအရောင်နဲ့လိုက်ဖက်တဲ့ ဒါမှမဟုတ် တောက်တဲ့အရောင်ကို ရွေးပါ။
