ထသွားထလာ everyday look အတွက်တင်မဟုတ်ပဲ ပွဲတက်အတွက်ပါ အဆင်ပြေတဲ့ rose gold makeup look ပြင်နည်းကို မျှဝေပေးလိုက်ပါတယ်။

အရင်ဆုံး ကိုယ်လိမ်းနေကျဖြစ်တဲ့ foundation ကိုလိမ်းပါမယ်။

မျက်ကွင်းနေရာ၊ နှုတ်ခမ်းဘေးတွေက အသားအရောင်မညီပဲ မဲနေတဲ့အတွက် concealer သုံးပါမယ်။

မျက်ခုံးမွှေးကိုက ကိုယ်ဆွဲနေကျအတိုင်း ဆွဲလိုက်ရုံပါပဲ။

မျက်လုံးစခြယ်ဖို့အတွက် rose gold အရောင်ဘက်သွားတဲ့ eyeshadow color ကို မျက်ခွံမှာခြယ်ပါမယ်။

မျက်လုံးအောက်နားလေးကိုပါ ခြယ်ပါမယ်။

Sunset color လို လိမ္မော်ဘက်သွားတဲ့ အရောင်ရဲရဲလေးကို မျက်ခွံမှာ ထပ်ခြယ်ပါမယ်။

Rose gold color glitter eyeshadow ကို လက်ညှိုးနဲ့ယူပြီး မျက်ခွံမှာ ခြယ်ပါမယ်။

မျက်လုံးအောက်နားလေးကိုပါ ခြယ်ပါမယ်။ မျက်လုံးအောက်ကိုကတော့ brush အသေးလေးနဲ့ ခြယ်ပေးပါ။

အညိုရောင် eyeshadow color ကို မျက်လုံးအောက်နား ဘေးဘက်ထောင့်ကနေစပြီး တစ်ဝက်လောက်အထိ ခြယ်ပါမယ်။

Eyeliner ကို ထောင့်နားလေးကနေ တစ်ကြောင်းထဲ မျှင်မျှင်လေး ဆွဲပါမယ်။

Mascara နဲ့ မျက်တောင်ကော့ပါမယ်။

ပါးနီကိုလည်း rose gold အရောင်လေးပဲ ရွေးပြီးခြယ်ပါမယ်။ Rose gold မရှိရင် လိမ္မော်ရောင်တောက်တာလေး ခြယ်လို့ရပါတယ်။

Highlighter ကို ပါးရိုးနေရာလေးတွေမှာ ခြယ်ပါမယ်။ နှာတံကိုလည်း ခြယ်ပေးပါ။

အားလုံးပြီးရင် setting powder လေးပုတ်ပေးလိုက်ရုံပါပဲ။

နှုတ်ခမ်းနီကို အညိုဘက်သွားတဲ့အရောင်၊ rose gold အရောင်လေးတွေ ရွေးဆိုးပါ။ နှုတ်ခမ်းနီကို gloss ပါတာလေးတွေဆိုးရင် ပိုပြီးလှပါတယ်။

ဒါဆိုရင်တော့ ထသွားထလာအတွက်ရော ပွဲတက်အတွက်ပါ အဆင်ပြေတဲ့ အရမ်းလှတဲ့ rose gold makeup look ကို ရရှိသွားပြီပဲဖြစ်ပါတယ်။