မင်္ဂလာပါပျိုမေတို့ရေ… ပျိုမေတို့ရဲ့အသားအရေကို အချိန်ကာလနဲ့လိုက်ပြီး ဂရုစိုက်ပေးဖို့လိုတယ်ဆိုတာ သိထားပြီးပြီလား။
အလှပြင်တဲ့ပစ္စည်းတွေကို အသုံးပြုသင့်တဲ့အချိန်တွေကိုရော သတိထားမိရဲ့လား။ အလှအပဆိုရင်လည်း အချိန်အခါအလိုက်လုပ်ပေးသင့်တဲ့ နည်းလမ်းအမှန်တွေကို ပြောပြပေးချင်ပါတယ်။
မနက်ပိုင်းမှာ
နေ့တစ်နေ့ရဲ့အစ မနက်ပိုင်းတွေမှာဆိုရင်လုပ်ပေးဖို့လိုအပ်တဲ့ အသားအရေထိန်းသိမ်းဖို့ လုပ်ပေးသင့်တဲ့အရာတွေကို ဖော်ပြပေးချင်ပါတယ်။ မျက်နှာကိုသေချာသန့်စင်ပေးသင့်ပါတယ်။ သန့်စင်တဲ့အခါမှာလည်း မျက်နှာသစ်ဆေးကိုသုံးပြီး သေချာသန့်စင်ပေးဖို့ လိုအပ်ပါတယ်။ မျက်နှာသစ်ပြီးသွားရုံနဲ့လည်း မပြီးသေးပါဘူး။ မျက်နှာသစ်ပြီး မိတ်ကပ်မလိမ်းခင်မှာ Toner, Moisturizer, SPF စတာတွေကို အဆင့်ဆင့်လိမ်းပေးဖို့လိုပါတယ်။
ညဘက်တွေမှာ
ညဘက်တွေဆိုရင် မိတ်ကပ်တွေကိုသေချာပြောင်စင်အောင် ဖျက်ပေးဖို့လိုပါလိမ့်မယ်။ ဒါမှ ဝက်ခြံတွေကိုမဖြစ်စေမှာပေါ့။ အသားအရေကိုထိန်းသိမ်းဖို့ Skin care တွေကို သေချာလိမ်းပေးဖို့လိုပါလိမ့်မယ်။ Moisturizer ကိုလည်းမေ့မထားသင့်ပါဘူး။
တစ်ပတ်တစ်ခါ
တစ်ပတ်ကိုတစ်ခါလောက်တော့ ပုံမှန်မျက်နှာပေါင်းတင်တဲ့ face mask တွေကပ်ပေးဖို့လိုပါလိမ့်မယ်။ ဒါမှလည်း မျက်နှာအသားအရေအတွက်လိုအပ်တဲ့ အစိုဓာတ်တွေကို ကောင်းကောင်းရရှိစေမှာပဲဖြစ်ပါတယ်။
တစ်လတစ်ခါ
အသားအရေကိုထိန်းသိမ်းဖို့အတွက်ဆိုရင် တစ်လကိုတစ်ခါတော့ တတ်ကျွမ်းပြီးကောင်းမွန်တဲ့ Clinic တွေမှာ Skin care သွားလုပ်ပေးဖို့လိုပါတယ်။ မိတ်ကပ်လိမ်းတဲ့အခါမှာ သုံးတဲ့ Makeup Brush တွေဆေးဖို့လိုပါတယ်။ Makeup Brush တွေကသန့်ရှင်းမှုမရှိနေရင် မျက်နှာအသားအရေကို ပျက်စီးစေဖို့လမ်းစဖြစ်လာပါလိမ့်မယ်။
Photo Source: Pinterest
